ভাতকেৰেলাৰ দ্বাৰা ডায়েবেটিছকে ধৰি বহু ৰোগৰ পৰা হাত সাৰিব পাৰি। ভাতকেৰেলা বাৰিষাত পোৱা এবিধ পাচলি। ভাতকেৰেলা খালে কি কি উপকাৰ হয় জানো আহক-
ভাতকেৰেলাত প্ৰচুৰ পৰিমাণে ভিটামিন চি, এলকেলয়ড, ফ্লেভন’ইড, গ্লাইকোচাইড, এমিনো এচিড, জিংক, পটাছিয়াম, ফছফৰাছ আৰু ছডিয়াম থাকে। যিয়ে বিভিন্ন স্বাস্থ্য সম্পৰ্কীয় সমস্যাৰ চিকিৎসাত সহায় কৰে।
ডায়েবেটিছ ৰোগীৰ বাবে ভাতকেৰেলাৰ উপকাৰী বুলি প্ৰমাণিত হ’ব পাৰে। কাৰণ ইয়াৰ গ্লাইচেমিক ইনডেক্স অতি কম, যাৰ ফলত চেনিৰ মাত্ৰা হ্ৰাস পায়। ইয়াত থকা পলিপেপটাইড পিয়েও শৰীৰত থকা অতিৰিক্ত চেনিৰ মাত্ৰা হ্ৰাস কৰাত সহায় কৰে। ইয়াৰ উপৰিও ইয়াৰ ইনচুলিন বৃদ্ধি কৰাৰ ক্ষমতা আছে, ইয়াৰ উপৰিও ই হঠাতে চেনিৰ বৃদ্ধি ৰোধ কৰে আৰু লগতে হজম শক্তিও সঠিকভাৱে ৰাখে।
যদি আপুনি ওজন কমাব বিচাৰে তেন্তে আপোনাৰ খাদ্যত ভাতকেৰেলাৰ অন্তৰ্ভুক্ত কৰক। ই আপোনাক বহুত সহায় কৰিব পাৰে। ইয়াত কেলৰি কম আৰু আঁহ বেছি।
ভাতকেৰেলাত পটাছিয়ামৰ পৰিমাণো থাকে। ইয়াৰ কাৰণে এই পাচলি ৰক্তচাপ ৰোগীৰ বাবে অতি উপকাৰী হ’ব পাৰে।
ভাতকেৰেলাত লুটিন পোৱা যায়, যাৰ সহায়ত কেন্সাৰৰ লগতে হৃদযন্ত্ৰৰ সমস্যাও প্ৰতিৰোধ কৰিব পৰা যায়। ইয়াত ভাল পৰিমাণৰ ভিটামিন চিও পোৱা যায়, যিয়ে শৰীৰৰ পৰা বিষাক্ত পদাৰ্থ আঁতৰাই পেলায়।