ৰৈ ৰৈ বিনালেত যেন নিজৰ জীৱনৰ কাহিনী লিখি গ’ল জুবিন গাৰ্গে!(Roi Roi Binale)
সাগৰতে শেষ হ’ল ৰৈ ৰৈ বিনালে ছবিখনৰ ট্ৰেইলাৰ।
বৃহস্পতিবাৰে ছবিখনৰ ট্ৰেইলাৰ মুকলি হয়।
ছবিখনৰ ট্ৰেইলাৰ মুকলিৰ পিছতে প্ৰতিজন লোকৰ মন-মগজু কঁপি উঠিছে।
কিয়নো, ৰৈ ৰৈ বিনালে ছবিখনতে যেন প্ৰাণ শিল্পী জুবিন গাৰ্গে নিজৰ জীৱন কাহিনী নিজেই লিখি গ’ল !
সামাজিক মাধ্যমত এতিয়া চৰ্চাত আছে ছবিখনৰ কেইটামান ডাইলগ।
ডাইলগকেইটা হৈছে-
‘আৰ্টিষ্টৰ এটাই পলিটিক্স…’
‘সদায় ৰাইজৰ লগত, ৰজাৰ লগত নহয়’
‘গাখীৰৰ বেপাৰো বেপাৰ, গানৰ বেপাৰো বেপাৰ…খালি বেছিব লাগে…’
আনহাতে ছবিখনৰ ট্ৰেইলাৰ মুকলিৰ পিছতে সামাজিক মাধ্যমত গৰিমা শইকীয়া গাৰ্গে লিখিছে-
‘চোৱা গ’ল্ডী…তোমাৰ বহুত হেঁপাহৰ, বহুত মৰমৰ ‘ৰৈ ৰৈ বিনালে’ সাজু হৈ উঠিছে লাহে লাহে!’
‘তোমাৰ ইচ্ছা, তোমাৰ সপোন সাকাৰ কৰিবলৈ তোমাৰ কথামতেই সকলোৱে চেষ্টা কৰিছে কামবোৰ ভালকৈ কৰিবলৈ । তুমি আশীৰ্বাদ কৰি থাকিবা … বাট দেখুৱাই থাকিবা’
এতিয়া সকলোৱে ছবিখনৰ মুকলি দিনলৈ অপেক্ষা কৰি আছে।
