মোহিত সুৰীৰ ‘ছাইয়াৰা’ ছবিখনত (Saiyaara) আহান পাণ্ডে আৰু অনিত পদ্দাক মুখ্য চৰিত্ৰত অভিনয় কৰা দেখা গৈছে। ছবিখনে মুকলি দিনৰ পৰাই বক্স অফিচত জোকাৰণি তুলিছে। আহান পাণ্ডে আৰু অনিত পদ্দা অভিনীত ছবি ছাইয়াৰাই মাত্ৰ তিনিদিনতে ঐতিহাসিক উপাৰ্জন কৰি এক বৃহৎ কৃতিত্ব অৰ্জন কৰিছে।
২০২৫ চনৰ আটাইতকৈ চৰ্চিত আৰু চমকপ্ৰদ হিট ছবি হিচাপে পৰিগণিত হোৱা মোহিত সুৰীৰ ‘Saiyara’ ছবিখনে মুক্তিৰ দিনৰে পৰা বক্স অফিচত আলোড়নৰ সৃষ্টি কৰিছে। আহান পাণ্ডে আৰু অনিত পদ্দা অভিনীত ৰোমান্টিক থ্ৰিলাৰ ছবি ‘ছাইয়াৰা’ই দৰ্শকৰ হৃদয় জয় কৰিবলৈ সক্ষম হৈছে। আহান পাণ্ডে আৰু অনিত পদ্দাৰ ৰোমান্টিক ছবিখনে প্ৰথম চাৰিদিনতে ১০০ কোটিৰো অধিক ধন সংগ্ৰহ কৰিবলৈ সক্ষম হৈছে। এচিনেমাখন ছুপাৰহিট হোৱাৰ কেইটামান কাৰণ জানো আহক-
ছাইয়াৰা ছবিখনৰ হিট হোৱাৰ কাৰণ হৈছে পৰিচালনা। ‘আশিকি ২’ৰ পৰিচালক মোহিত সুৰীয়ে পৰিচালনা কৰিছে এই ছবিখন। ইতিমধ্যে তেওঁৰ সংগীতৰ ৰোমান্টিক চিনেমাৰে দৰ্শকৰ হৃদয়ত স্থান লাভ কৰিছে। ‘মাৰ্ডাৰ ২’, ‘আৱাৰাপন’, ‘ৰাজ’, ‘হামাৰী আধুৰী কাহানী’ আৰু ‘এক ভিলেইন’ আদি ছবি পৰিচালনা কৰিছিল মোহিত সুৰীয়ে। গতিকে মহোতি সুৰী কোন হয়তো আপোনালোকে ভালদৰে চিনিব পাৰিছে। সেইবাবে ‘ছাইয়াৰা’ মুক্তি পোৱাৰ আগতেই এই চিনেমাখন ছুপাৰহিট হ’ব বুলি সিদ্ধান্ত লোৱা হৈছিল।
ইয়াৰ বাহিৰেও ছাইয়াৰাৰ গীতবোৰ অতি ৰোমাণ্টিক। ছবিখনৰ সমান্তৰালকৈ গীতসমূহেও মুক্তিৰ পূর্বে অনুৰাগীৰ মাজত প্রভাৱ পেলাইছে৷ লগতে ছবিখনৰ গীতসমূহ ছ’চিয়েল মিডিয়াত অতি ভাইৰেল হৈ পৰিছিল। আনহাতে ছবিখনৰ টাইটেল গীত ‘ছাইয়াৰা’ ৰাইজৰ মাজত জনপ্ৰিয় হৈ পৰিছিল। ছবিখনৰ সংগীতত আছে সচেত-পৰমপাৰা, মিথুন, বিশাল মিশ্ৰ, আৰু তনিষ্ক বাগচি।
Aashiqui 2 ৰ পিছত বলীউডত দেখা গৈছে এক ৰোমান্টিক কাহিনী। এনে পৰিস্থিতিত আহন পাণ্ডে আৰু অনিত পদ্দা অভিনীত এই ছবিখনৰ কাহিনীয়ে দৰ্শকে ভাল পাইছে।
আহান পাণ্ডেৰ এই ছবিখনে মুঠ সংগ্ৰহত ৯.৪০ কোটি টকা সংগ্ৰহ কৰিছে। আনহাতে ছবিখনে আগতীয়াকৈ ২১ কোটি টকা উপাৰ্জন কৰিছিল।
