চাবুৱাত ‘সত্যবাহু হৰি পালন, শনিৰ দৰ্প চুৰ্ণ’ ভাওনা মঞ্চস্থ

চাবুৱাৰ নিকটৱৰ্তী পুলুঙা গাঁৱত কালি “সত্যবাহু হৰি পালন, শনিৰ দৰ্প চুৰ্ণ ” ভাওনা মঞ্চস্থ তথা  প্ৰদৰ্শিত হয়। পুলুঙাৰ ত্ৰিনয়ন জ্যোতি সংঘৰ প্ৰেক্ষাগৃহত দেৱেশ্বৰ গোহাঁইৰ ( বৰদোমছা) দ্বাৰা পৰিচালিত উক্ত ভাওনা নাটখনি মায়ামৰা ধৰ্মীয় সাংস্কৃতিক পৰম্পৰাৰে বৰধেমালি গায়ন-বায়নেৰে  শুভাৰম্ভ কৰা হয়। ইয়াৰ প্ৰাক মুহূৰ্তত ভাওনাৰ লগত সংগতি ৰাখি ৰঞ্জন শইকীয়া আৰু বিভৱ বড়াৰ যুটীয়া সম্পাদনাত  ‘ মিলন হেতু’ নামৰ এখনি স্মৃতিগ্ৰন্থ প্ৰকাশ কৰি উলিয়ায়। গ্ৰন্থখনি উন্মোচন কৰে ডিব্ৰুগড় কানৈ মহাবিদ্যালয়ৰ অধ্যক্ষ ড০ শশীকান্ত শইকীয়াই। উল্লেখ্য যে ২১ জানুৱাৰীৰ পৰা উক্ত ভাওনাখনৰ আখৰা আৰম্ভ হৈছিল।