ধুবুৰীৰ আগমণিত ৰাজ্য চৰকাৰৰ উদ্যোগত চিলাৰায় দিৱসৰ আয়োজন

অসম চৰকাৰৰ সাংস্কৃতিক সঞ্চালকালয়ৰ উদ্যোগত আৰু ধুবুৰী জিলা প্ৰশাসন আৰু কোচ ৰাজবংশী জনগোষ্ঠীয় সংগঠনসমূহৰ সহযোগত অহা ২৭ ফেব্ৰুৱাৰীত ধুবুৰীৰ আগমণিত চিলাৰায় দিৱসৰ আয়োজন কৰা হৈছে ৷ বীৰ চিলাৰায়ৰ ৫১১ তম জন্মজয়ন্তী উপলক্ষে আগমণিৰ চিলাৰায় উদ্যানৰ সমীপত  আয়োজিত অনুষ্ঠানত মুখ্য অতিথি হিচাপে উপস্থিত থাকিব মুখ্যমন্ত্ৰী সৰ্বানন্দ সোণোৱাল৷ অনুষ্ঠানত  খাদ্য আৰু অসামৰিক যোগান বিভাগৰ মন্ত্ৰী ফণীভূষণ চৌধুৰী, সাংস্কৃতিক পৰিক্ৰমা বিভাগৰ মন্ত্ৰী নৱ কুমাৰ দলে, গোলকগঞ্জৰ বিধায়ক অশ্বিনী ৰায় সৰকাৰ, বিলাসীপাৰা পূব সমষ্টিৰ বিধায়ক অশোক কুমাৰ সিংহী প্ৰমুখ্যে বহু বিশিষ্ট ব্যক্তি উপস্থিত থাকিব৷ অনুষ্ঠানত ৰাইজৰ উপস্থিতি কামনা কৰিছে ধুবুৰীৰ উপায়ুক্ত দেৱ কুমাৰ কলিতা আৰু সাংস্কৃতিক পৰিক্ৰমাৰ সঞ্চালক যাদৱ শইকীয়াই৷