ধিতাইপুখুৰী পূৰ্বৰংগ (Sivasagar News) সাংস্কৃতিক গোষ্ঠীৰ ৰূপালী জয়ন্তী বৰ্ষ উপলক্ষে ভাওনা দলটিৰ উদ্যোগত বৃহত্তৰ বাকচুবাসী ৰাইজৰ আতিথ্যত বেতবাৰী, শিলাকুটি, হাঁহচৰা আৰু বকতা মৌজাৰ ৰাইজৰ সহযোগত অনুষ্ঠিত হোৱা সদৌ অসম ভাওনা সমৰোহ আৰু কৃষ্ণ ৰাসলীলা উদ্দেশ্য আজি পুৱাৰে পৰা বাকচু সৰুবিল খেল পথাৰৰ বৃন্দাবন ক্ষেত্ৰত চাৰিওটা মৌজাৰ সহস্ৰ ৰাইজৰ উপস্থিতিয়ে অঞ্চলটোত অনন্য আধ্যাত্মিক পৰিৱেশৰ সূচনা কৰিছে ৷ সমাৰোহৰ উপলক্ষে প্ৰকাশ কৰা মনোজ কোঁৱৰ আৰু পৰেশ হাতীমূৰীয়াৰ সম্পাদিত স্মৃতিগ্ৰন্থ “পূৰ্বৰংগ” উন্মোচন কৰে গড়গাঁও মহা বিদ্যালয়ৰ অধ্যক্ষ ড° সব্যসাচী মহন্তই ৷
নিশা লৈ আমগুৰিৰ কৰাপাট সাংস্কৃতিক গোষ্ঠীৰ দ্বাৰা অংকীয়া নাট ‘পাৰিজাত হৰণ’ প্ৰদৰ্শন কৰা হয় ৷ অহা কাই লৈ সন্ধিয়াৰ পৰা আৰম্ভ হ’ব লগা ভাওনা প্ৰতিযোগিতাত ইতিমধ্যে বিভিন্ন জিলাৰ ১২ টা প্ৰতিষ্ঠিত ভাওনা দলে অংশ গ্ৰহণ কৰিছে ৷
