৯ জুন ২০২৫:Sonam Raghuwanshi ইন্দোৰৰ উদ্যোগপতি ৰাজা ৰঘুবংশী হত্যাকাণ্ড সন্দৰ্ভত একৰ পিছত এক চাঞ্চল্যকৰ তথ্য উন্মোচিত হৈছে। তদন্তত জানিব পৰা মতে, ৰাজা ৰঘুবংশীৰ পত্নী সোনম ৰঘুবংশীৰ নিজৰ কাৰ্যালয়ৰ কৰ্মচাৰী ৰাজ কুছৱাহাৰ সৈতে প্ৰেমৰ সম্পৰ্ক আছিল। এই সম্পৰ্কৰ আধাৰতেই দুয়োজনীয় হত্যাৰ ভয়ংকৰ পৰিকল্পনা সাজে।
মেঘালয় আৰক্ষীৰ মতে, এই হত্যা সোনম আৰু ৰাজ কুছৱাহাৰ পূৰ্ব পৰিকল্পিত ষড়যন্ত্ৰ আছিল। ৰাজা আৰু সোনমে হনিমুনৰ নামত ১১ মে’ত শ্বিলঙলৈ গৈছিল। তাৰ পাছতেই ২৩ মে’ত ৰাজা নিৰুদ্দেশ হৈ পৰে, যাৰ পিছতেই আৰক্ষীয়ে অভিযান আৰম্ভ কৰে।
গ্ৰেপ্তাৰৰ পাছত সোনমে দাবী কৰিছে, “মোক অপহৰণ কৰা হৈছিল। মই ভুক্তভোগী।”
তেওঁ কয় যে, অপহৰণকাৰীয়ে গাজিপুৰত এৰি থৈ গৈছিল। কিন্তু তদন্তত পোহৰলৈ আহিছে একেবাৰে বিৰোধী তথ্য —
- সোনম–ৰাজ কুছৱাহা আছিল একে ব্যৱসায়িক প্ৰতিষ্ঠানৰ অংশ
- ৰাজা ৰঘুবংশীৰ হত্যাৰ মূল পৰিকল্পক আছিল ৰাজ কুছৱাহা
- সোনমে ৰাজাক হত্যাৰ বাবে চুপাৰি কিলাৰ নিযুক্ত কৰিছিল
- সোনমে ট্ৰেইনৰ টিকট, যান-বাহন আদিৰ ব্যৱস্থা আগতিয়াকৈ কৰি ৰাখিছিল
মুঠ ৫ গৰাকী গ্ৰেপ্তাৰ
এই হত্যাকাণ্ড সন্দৰ্ভত এতিয়ালৈকে মেঘালয় আৰক্ষীয়ে ৫ গৰাকী অভিযুক্তক গ্ৰেপ্তাৰ কৰিছে —
- সোনম ৰঘুবংশী (পত্নী)
- ৰাজ কুছৱাহা (প্ৰেমিক)
- বিকি ঠাকুৰ
- আকাশ
- আনন্দ (উত্তৰ প্ৰদেশৰ সাগৰৰ পৰা গ্ৰেপ্তাৰ)
ৰাজা ৰঘুবংশীৰ গলি হোৱা মৃতদেহ মেঘালয়ৰ জংঘলত থকা এটা খাৱৈৰ পৰা উদ্ধাৰ কৰা হয়। এই হত্যাকাণ্ডই দেশজুৰি চাঞ্চল্যৰ সৃষ্টি কৰিছে। তদন্ত প্ৰক্ৰিয়া চলি থকাৰ মাজতেই এতিয়ালৈ বহু গুৰুত্বপূৰ্ণ তথ্য পোহৰলৈ আহিছে।
পত্নী আৰু প্ৰেমিকৰ ষড়যন্ত্ৰত, একে ঘৰৰ মানুহে নিজা স্বামীক হত্যা কৰাৰ ঘটনাই মানৱ সম্পৰ্ক, বিশ্বাস আৰু ব্যৱসায়িক দুনিয়াৰ অন্ধকাৰ পৃষ্ঠাৰ এক ভয়ংকৰ ছবি স্পষ্ট কৰি তুলিছে। তদন্তৰ পূৰ্ণ ফলাফল অহা দিনত অধিক চমকদায়ক তথ্য উন্মোচন কৰিব বুলি অনুমান কৰা হৈছে।