Breaking

মাজুলীৰ গড়মূৰ সত্ৰত শ্ৰীশ্ৰী বিষ্ণু মহাযজ্ঞৰ আয়োজন : লাইখুঁটা স্থাপন

0 2,008

মাজুলীৰ প্ৰসিদ্ধ শ্ৰীশ্ৰী গড়মূৰ সত্ৰত অহা ১৫ , ১৬ আৰু ১৭ মাৰ্চ (১ , ২ আৰু ৩ চ’ত)ত তিনি দিনীয়া কাৰ্যসূচীৰে শ্ৰীশ্ৰী বিষ্ণু মহাযজ্ঞৰ আয়োজন কৰা হৈছে ৷ গড়মূৰ শ্ৰীশ্ৰী পীতাম্বৰ দেৱগোস্বামী যুৱক কল্যাণ সংঘৰ উদ্যোগত আঞ্চলিক ৰাইজৰ সহযোগত বিশ্ব শান্তিৰ বাবে আয়োজন কৰা বিষ্ণু মহাযজ্ঞৰ বাবে মণ্ডপৰ লাইখুঁটা ২১ ফেব্ৰুৱাৰীত বংশীগোপাল নাট্য মন্দিৰৰ প্ৰাংগনত আনুষ্ঠানিক ভাৱে স্থাপন কৰা হয় ৷ এই উপলক্ষে দিনৰ ১২ বজাত আধ্যাত্মিক অনুষ্ঠান ভাগি সাফল্যমণ্ডিত কৰিবৰ বাবে গঠন কৰা উদ্‌যাপন সমিতিৰ সভাপতি তথা সত্ৰৰ সত্ৰাধিকাৰ পৰমানন্দ দেৱগোস্বামী , কাৰ্যকৰী সভাপতি কৃষ্ণ গোস্বামীৰ লগতে উদ্‌যাপন সমিতিৰ বিষয়ববীয়াৰ উপস্থিতিত আইতীৰ উৰুলি , ডবা-শংখ ধ্বনিৰ মাজেৰে লাইখুঁটা স্থাপন কৰা হয় ৷ দেশৰ মংগলৰ বাবে আয়োজন কৰা আধ্যাত্মিক অনুষ্ঠান ভাগিত অসমৰ বিভিন্ন প্ৰান্তত থকা সত্ৰৰ শিষ্য-প্ৰশিষ্য তথা ধৰ্মপ্ৰাণ ৰাইজৰ সহযোগিতা কামনা কৰিছে আয়োজক সমিতিয়ে ৷