বৰপেটাৰ সৰভোগত নৃশংস, অমানৱীয়, জঘন্য ঘটনা৷ বজাৰত ঘূৰি ফুৰা ১৬টাকৈ কুকুৰক বিহ প্ৰয়োগ কৰি হত্যা একাংশ লোকৰ ৷
সৰভোগৰ হাইৱে’ চ’কৰ মাংসৰ বজাৰত ছাগলীৰ পেলনীয়া মাংসত বিহ প্ৰয়োগ কৰি চহৰখনত ঘূৰি ফুৰা ১৬টাকৈ কুকুৰক হত্যা কৰে কোনো দুষ্কৃতিকাৰীয়ে।
সৰভোগৰ উক্ত মাংসৰ বজাৰখনলৈ পেলনীয়া মাংস খাবলৈ প্ৰায়ে আহিছিল বহুকেইটা কুকুৰ৷ কিন্তু কোনোৱে মাংসৰ সৈতে বিহ মিহলাই কুকুৰকেইটাক খাবলৈ দিয়াৰ ফলতে কুকুৰকেইটাৰ মৃত্যু হোৱাৰ সন্দেহ প্ৰকাশ কৰা হৈছে ৷
এনে নাৰকীয়, অমানৱীয় ঘটনাক লৈ সৰ্বত্ৰ তীব্ৰ প্ৰতিক্ৰিয়া হৈছে৷ উক্ত ঘটনাৰ বিৰুদ্ধে সৰভোগ থানাত এজাহাৰ দাখিল কৰিছে এগৰাকী প্ৰকৃতিপ্ৰেমীয়ে ৷ প্ৰীতিষা গোস্বামী নামৰ এগৰাকী প্ৰকৃতিপ্ৰেমী যুৱতীয়ে সৰভোগ থানাত দাখিল কৰিছে এজাহাৰ ৷ আৰক্ষীয়ে এই দিশত তদন্ত কৰি প্ৰকৃতিৰ অনন্য অংগ কুকুৰ নিধনকাৰ্য জড়িতক শাস্তি বিহিবলৈ দাবী জনাইছে সচেতন মহলে।
