২৬ এপ্ৰিলৰ বাবে গণনা আৰম্ভ হোৱাৰ লগে লগে – নিৰ্বাচন দিৱস, লোকসভা, ২০২৪ৰ আগন্তুক সাধাৰণ নিৰ্বাচন সুচাৰুৰূপে অনুষ্ঠিত কৰাৰ প্ৰস্তুতি ৰঙিয়াত পূৰ্ণ গতিত চলি আছে। ভোটাৰসকলৰ এক স্বাস্থ্যকৰ ভোটদানত উদগনি দিবলৈ, ৰঙিয়া নিৰ্বাচন জিলাৰ এছভিইইপি চেলৰ দ্বাৰা নিয়মীয়া ব্যৱধানত সজাগতা কাৰ্যকলাপ হাতত লোৱা হৈছে।চলিত এছভিইইপি কাৰ্যকলাপৰ অংশ হিচাপে আজি উপ-বিভাগীয় বিষয়া (অসামৰিক) আৰু জিলা নিৰ্বাচন বিষয়া ৰঙিয়া, দেৱাশীষ গোস্বামীয়ে ‘শ্ৰেষ্ঠ – গণতন্ত্ৰৰ উইংছ’ শীৰ্ষক নিৰ্বাচনী শুভংকৰ উন্মোচন কৰে। এই উপলক্ষে পুৱাৰ ভাগত হৰদত্ত, বীৰদত্ত ভৱনৰ পৰা এখন চাইকেল ৰেলীৰ শুভাৰম্ভ কৰা হয়।
ডিইঅ’ৰ দ্বাৰা ফ্লেগ অফ কৰা চাইকেল ৰেলীত প্ৰথমবাৰৰ বাবে ভোটাৰ, মহিলা ভোটাৰ আৰু বিভিন্ন শিক্ষানুষ্ঠান যেনে ৰঙিয়া মহাবিদ্যালয়, মানবেন্দ্ৰ শৰ্মা ছোৱালী মহাবিদ্যালয় আৰু তুলসীবাৰী বহুমুখী উচ্চতৰ মাধ্যমিক বিদ্যালয়ৰ ছাত্ৰ-ছাত্ৰী সকলে অংশগ্ৰহণ কৰা পৰিলক্ষিত হয় । ইফালে সমবেত লোকসকলক সম্বোধন কৰি ডিইঅ’য়ে ৰাইজক ওলাই আহি বৃহৎ সংখ্যাত ভোট দিবলৈ আহ্বান জনায়। অনুষ্ঠানটোত মহকুমাধিপতি দেৱাশিষ গোস্বামী, চক্ৰ বিষয়া ভাস্কৰ জ্যোতি কলিতা, নিৰ্বাচনী বিষয়া ড০ নীল হৰিৎ কৌশিক, কাৰ্যবাহী বিষয়া জিলজিলি থাওসেন, শ্বাৰণ থমাছ, এনইউএলএমৰ অধীনত এছএইচজি সদস্য, অন্যান্য চৰকাৰী বিষয়া আৰু উপ-বিভাগৰ বিষয়াসকলৰ কৰ্মচাৰীৰ উপৰিও কেইজনমান স্বাস্থ্য বিষয়া উপস্থিত থাকে ।