অসম জাতীয়তাবাদী যুৱ ছাত্ৰ পৰিষদ টেঙাখাত আঞ্চলিক সমিতিৰ মধ্যকালীন অধিৱেশন খনি ১৩ আৰু ১৪ ফেব্ৰুৱাৰী তাৰিখে টেঙাখাতৰ ৰাজহুৱা প্ৰেক্ষাগৃহত অনুষ্ঠিত হৈ যায়।দুদিনীয়া কাৰ্যসুচীৰে অনুষ্ঠিত হোৱা এই অধিবেশনখনিৰ প্ৰথমদিনা সংগঠনটোৰ টেঙাখাত আঞ্চলিকৰ সভাপতি নন্দৰাজ বৰশইকীয়াই পতাকা উত্তোলন আৰু সাধাৰণ সম্পাদক পাৰ্থপ্ৰতিম কোঁৱৰে শ্বহীদ তৰ্পণ আৰু বন্তি প্ৰজ্বলন কৰি অনুষ্ঠানৰ শুভাৰম্ভ কৰে।এই অধিবেশনৰ লগত সংগতি ৰাখি আয়োজক সমিতিয়ে ছাত্ৰ ছাত্ৰী সকলৰ মাজত তৰ্ক প্ৰতিযোগিতা, চিত্ৰাংকন, কবিতা আবৃত্তি, কুইজ আদিৰো আয়োজন কৰা হয়।১৪ ফেব্ৰুৱাৰীৰ দিনা পুৱাই সংগঠনটোৰ তৰফৰ পৰা সাংস্কৃতিক শোভাযাত্ৰা উলিওৱা হয়।তাৰ পিছতে টেঙাখাত আঞ্চলিকৰ সভাপতি নন্দৰাজ বৰশইকীয়াই সভাপতিত্ব কৰা মুকলি সভাত আদৰণি ভাষণ প্ৰদান কৰে সাধাৰণ সম্পাদক পাৰ্থপ্ৰতিম কোঁৱৰে।এই মুকলি সভাত ডিব্ৰুগড় জিলাৰ সংগঠনটোৰ সভাপতি ভবেন সোনোৱালে অসমীয়া জাতিৰ সুৰক্ষাৰ স্বাৰ্থত সংগঠনটোৰ কৰণীয় আৰু ইতিহাস সম্পৰ্কে এক সুন্দৰ আলোচনা আগবঢ়ায়।এই সভাত আছু,সোনোৱাল কছাৰী ছাত্ৰ সন্থা আৰু বহু সংগঠনৰ বিষয়ববীয়া উপস্থিত থাকে।গধূলি অধিৱেশনত অনুষ্ঠিত হোৱা প্ৰতিযোগিতা সমূহৰ বটা বিতৰণ কৰাৰ লগতে এক আটকধুনীয়া সাংস্কৃতিক সন্ধিয়াৰ আয়োজন কৰে টেঙাখাত আঞ্চলিকৰ বিষয়ববীয়া সকলে।
