আজিৰে পৰা অসম আদৰ্শ (Summer Drama Workshop) বিদ্যালয় বৰপামত পোন্ধৰদিনীয়া গ্ৰীষ্মকালীন নাটকৰ কৰ্মশালাৰ শুভাৰম্ভ কৰে অসম আদৰ্শ বিদ্যালয় বৰপামৰ সঞ্চালক নৃপেন বৰদলৈয়ে। বিশিষ্ট নাট্যকাৰ মৃণাল গোস্বামীৰ পৰিচালনাত ১৫ দিনীয়া নাটকৰ কৰ্মশালা অনুষ্ঠিত কৰা হৈছে। অসম আদৰ্শ বিদ্যালয় বৰপামৰ অধ্যক্ষা বৰ্ণালী কুৰ্মীয়ে জনোৱামতে দলংগুৰি উচ্চতৰ মাধ্যমিক বিদ্যালয়,জ্ঞানভাৰতী পাব্লিক স্কুল, ভাস্কৰ জ্যোতি আদৰ্শ বিদ্যাপীঠ, চেঙামাৰী উচ্চ মাধ্যমিক বিদ্যালয় আৰু অসম আদৰ্শ বিদ্যালয় বৰপামৰ অৰ্ধ শতাধিক ছাত্ৰ-ছাত্ৰীয়ে কৰ্মশালাত অংশগ্ৰহণ কৰিছে।
দ্বিতীয় শ্ৰেণীৰ পৰা দশম শ্ৰেণীৰ ছাত্ৰ-ছাত্ৰীয়ে অংশগ্ৰহণ কৰিব পৰা কৰ্মশালাৰ শুভাৰম্ভ অনুষ্ঠানত চেঙামাৰী উচ্চ মাধ্যমিক বিদ্যালয়ৰ শিক্ষক ৰিপুঞ্জয় বৰদলৈ,মণিদ্বীপা দাস শইকীয়া, ফিৰোজ খান, পূৰ্ণিমা বৰমূদৈ, আইমণী ভূঞাকে ধৰি কেইটাগৰাকী বিশিষ্ট ব্যক্তি উপস্থিত থাকে।
