কৃতি ছাননৰ প্ৰডাকচন হাউছৰ সৈতে সম্পৰ্ক আছে সুশান্ত সিং ৰাজপুতৰ। কৃতি ছাননে ঘোষণা কৰিলে তেওঁৰ প্ৰডাকচন হাউছৰ পৰা প্ৰথমখন ছবি। এই ছবিখনত কৃতিৰ বিপৰীতে কাজলক দেখা যাব। বলীউডৰ অভিনেত্ৰী কৃতি ছাননে বৰ্তমান ছবি উদ্যোগত ধুমুহাৰ সৃষ্টি কৰিছে। অভিনয়ৰ লগতে এতিয়া প্ৰযোজক হিচাপে পৰিগণিত হৈ পৰিছে কৃতি। তেওঁৰ প্ৰডাকচন হাউচ মুকলি কৰিছে। ভগ্নী নুপুৰৰ সৈতে এই প্ৰডাকচন হাউচ মুকলি কৰিছে কৃতিয়ে। তেওঁৰ প্ৰডাকচন হাউছৰ নাম ব্লু বাটাৰফ্লাই ফিল্মছ। সুশান্ত সিং ৰাজপুতৰ সৈতে কৃতিৰ প্ৰডাকচন হাউছৰ কি সম্পৰ্ক জানেনে।
শেহতীয়াকৈ মুক্তি পোৱা ছবি আদিপুৰুষৰ বাবে শিৰোনাম দখল কৰিছে কৃতি ছাননে। ওম ৰাউতৰ পৰিচালনাত নিৰ্মিত আদিপুৰুষ ছবিত প্ৰভাসে গুৰুত্বপূৰ্ণ ভূমিকা পালন কৰা দেখা গৈছে। এই ছবিখন দৰ্শকে বিশেষভাৱে ভাল নাপালে। ইফালে কৃতিয়ে মুকলি কৰিছে প্ৰডাকচন হাউচ। প্ৰডাকচন হাউচ মুকলি কৰাৰ সমান্তৰালকৈ কৃতিয়ে ইয়াৰ অধীনত নিৰ্মাণ হ’বলগীয়া ছবিখনো ঘোষণা কৰিছে। ৯ বছৰৰ পাছত কাজলৰ লগত কাম কৰিবলৈ ওলাইছে কৃতি। এই চিনেমাখনৰ নাম ডো পট্টি। য’ত কাজল আৰু কৃতিক একেলগে দেখা যাব। এই ছবিখন নেটফ্লিক্সত মুক্তি পাব।
অনুৰাগীয়ে সুশান্ত সিং ৰাজপুতৰ সৈতে কৃতি ছাননৰ নাম ব্লু বাটাৰফ্লাইৰ সৈতে সম্পৰ্ক বিচাৰি পাইছে। কৃতি আৰু সুশান্ত বহুত ভাল বন্ধু। দুয়োজনে একেলগে কাম কৰিছিল ৰাবতা ছবিত। সুশান্তৰ মৃত্যুৰ পিছত কৃতিয়ে প্ৰায়ে মনত পেলাই সুশান্তক। সুশান্তই তেওঁৰ ইনষ্টাগ্ৰাম পোষ্টৰ কেপচনত নীলা পখিলা ব্যৱহাৰ কৰিছিল। এবাৰ এজন অনুৰাগীয়ে আনকি তেওঁক ব্লু বাটাৰফ্লাই কিয় ব্যৱহাৰ কৰে বুলিও সুধিছিল। ইয়াৰ পিছত সুশান্তই ইয়াৰ অৰ্থ ক’লে। প্ৰডাকচন হাউছৰ ঘোষণাৰ পিছত অনুৰাগীয়ে কৃতিৰ এই পোষ্টটোৰ ওপৰত মন্তব্য কৰে। এজন অনুৰাগীয়ে লিখিছে- সুশান্ত সিং ৰাজপুতে তেওঁৰ পোষ্টত নীলা পখিলাৰ ইমোজি ব্যৱহাৰ কৰিছিল। একে সময়তে আন এজন অনুৰাগীয়ে লিখিছে – নীলা পখিলা হৈছে সুশান্তৰ প্ৰতীক। সেইবাবে সকলোৱে কৈছে যে কৃতি প্ৰডাকচন হাউছৰ সৈতে সম্পৰ্ক আছে সুশান্তৰ।
বৰ্তমান কৰীনা কাপুৰ আৰু টাবুৰ সৈতে অচিৰেই ছবিত দেখা যাব কৃতি ছাননক। ইয়াৰ উপৰিও গণপাটত টাইগাৰ শ্ৰফৰ সৈতে দেখা যাব কৃতিক। শ্বাহিদ কাপুৰৰ সৈতেও এখন ছবিত দেখা যাব কৃতিক।