গৰ্ভাৱস্থাত খাদ্যৰ ক্ষেত্ৰত বিশেষ সাৱধানতা অৱলম্বন কৰিব লাগে। আপুনি যি খাই তাৰ প্ৰত্যক্ষ প্ৰভাৱ আপোনাৰ শিশুৰ ওপৰত পৰে। সেয়ে খালী পেটত সাৱধানে খাব লাগে। বিশেষকৈ ৰাতিপুৱা খালী পেটত গৰ্ভৱতী মহিলাই পুষ্টি সমৃদ্ধ আহাৰ গ্ৰহণ কৰিব লাগে। ইয়াৰ দ্বাৰা আপোনাৰ গৰ্ভত বৃদ্ধি পোৱা শিশুৱে উপযুক্ত পৰিমাণৰ ভিটামিন আৰু খনিজ পদাৰ্থ লাভ কৰিবলৈ সক্ষম হয়, যাৰ বাবে শিশুটিৰ সঠিক বিকাশ হ’ব। এগৰাকী গৰ্ভৱতী মহিলাই ৰাতিপুৱা স্বাস্থ্যসন্মত আৰু লঘু খাদ্য খাব লাগে যাতে তেওঁ এচিডিটি আৰু গেছৰ সমস্যাৰ পৰা হাত সাৰিব পাৰে।
ভিটামিন এ, বি, চি আৰু আইৰণ, কেলচিয়াম আৰু ফাইবাৰ সমৃদ্ধ পুষ্টিকৰ উপাদান ৰাতিপুৱা খালী পেটত খাব লাগে। স্বাস্থ্যকৰ খাদ্য সহজে হজম হয়। এই পুষ্টিকৰ পদাৰ্থ মাতৃ আৰু শিশু উভয়ৰে বাবে অতি উত্তম। ৰাতিপুৱা টেঙা ফল খোৱাৰ পৰা বিৰত থাকিব। যেনে কমলা, কিউই, আঙুৰ, আমলখি আদি ফল।
ৰাতিপুৱা অটমিল, অটছ আৰু ব্ৰাউন ব্ৰেড খাব পাৰে।
ব্ৰেকফাষ্ট লঘু হ’ব লাগে। এনে পৰিস্থিতিত প’হা ব্ৰেকফাষ্টত খুব ভাল। ইয়াৰ উপৰিও ইয়াত পুষ্টিকৰ উপাদান থাকে। পোহাক স্বাস্থ্যকৰ কৰি তুলিবলৈ ইয়াত বীন আৰু বাদামও দিব পাৰি।
যদি কণীৰ এলাৰ্জী বা দুৰ্গন্ধৰ সমস্যা নাথাকে, তেন্তে গৰ্ভাৱস্থাত খালী পেটত কণী খাব পাৰে। স্বাস্থ্যৰ বাবে ই অতি উপকাৰী।