বাক্সা জিলা ধূপগুৰি আনোৱাৰা হুছেইনৰ এটি ষাড় গৰু হেৰুৱাত পৰিয়ালৰ মাজত হাহাকাৰ পৰিৱেশৰ সৃষ্টি হৈছে। জানিব পৰা মতে আনোৱাৰা হুছেইনৰ ঘৰ বাক্সা জিলা ধুপগুৰীত। সমাগত ইছলাম ধৰ্মাৱলম্বী পৱিত্ৰ কুৰবানী ঈদ উপলক্ষে আনোৱাৰা হুছেইনে কুৰবানী বাবে এটি ষাড় গৰু ক্ৰয় কৰিছিল। কিন্তু দুৰ্ভাগ্যজনক, ষাড় গৰুটো ক্ৰয় কৰি ঘৰলৈ অনাৰ সময়ত গাড়ীৰ পৰা গৰুটো নমোৱাৰ সময়ত দৌৰ মাৰি পলাই যায়। লগে লগে চাৰিওফালে পৰিয়ালৰ লগতে গাঁৱৰ মানুহে বিচৰাত এতিয়ালৈকে কোনেও সন্ধান পোৱা নাই গৰুটো।
এক সপ্তাহ ধৰি গৰুটো বিচাৰি নোপোৱাত উপায়ন্তৰ হৈ আজি সংবাদ মাধ্যমৰ কাষ চাপিছে আনোৱাৰা হুছেইন। ষাড় গৰুটো গাৰ বৰণ প্ৰায় বগা ৰঙৰ। ডিঙিত কোনো ৰচি নাই বুলি জানিবলৈ দিয়ে।ইপিনে কোনো সদাসদ ব্যক্তিয়ে ষাড় গৰুটো সন্ধান দিব পাৰিলে তেওঁলোকলৈ ৫,০০০ টকা পুৰস্কাৰ ঘোষণা কৰে আনোৱাৰা হুছেইনে।আনহাতে 7002670109 ফোন নম্বৰত যোগাযোগ কৰিবলৈও আহ্বান জনায়।
