তদন্তকাৰী সংস্থাৰ দলটোৱে ডি আই জি লাভলী কাটিয়াৰৰ তত্বাৱধানত গেষ্ট হাউচত মৃত এচ আইৰ মাতৃ (সুমিত্ৰ ৰাভা)ক জেৰা কৰি আছে বুলি জানিব পৰা গৈছে৷
তদুপৰি ধিং থানাৰ ভাৰপ্ৰাপ্ত বিষয়া ৰাজা ইৰছাদ আৰু নিলম্বিত আৰক্ষী বিষয়া মনোজ ৰাজবংশীকো চিবিআইয়ে জেৰা অব্যাহত ৰাখিছে।
ইফালে, নগাঁৱৰ জোনমনি ৰাভাৰ চৰকাৰী বাসগৃহত মৃত আৰক্ষী বিষয়াজনৰ সন্দেহজনক মৃত্যু হ’ব পৰা কোনো প্ৰমাণৰ বাবে পুংখানুপুংখভাৱে তালাচী চলোৱা হৈছে।
জোনমনি ৰাভাৰ মৃত্যুৰ উচিত তদন্তৰ দাবী জনাইছে পৰিয়ালৰ লোকে।
উল্লেখ কৰিব পাৰি যে অসমৰ নগাঁও জিলাৰ কলিয়াবৰত সংঘটিত পথ দুৰ্ঘটনাত অসম আৰক্ষীৰ উপ-পৰিদৰ্শক (এছ আই) জোনমনি ৰাভা নিহত হয়।
যোৱা ১৬ মে’ত সংঘটিত হোৱা এই দুৰ্ঘটনাটোত ৰাভাই যোৱা বাহনখনে ৩৭ নং ৰাষ্ট্ৰীয় ঘাইপথৰ সৰুভাগী গাঁৱৰ সমীপত ‘ইউ পি ৭৮ইউটি ৪৫১৮’ নম্বৰৰ পঞ্জীয়ন নম্বৰৰ এখন কণ্টেইনাৰ ট্ৰাকৰ সৈতে সংঘৰ্ষত লিপ্ত হৈছিল৷
