নলবাৰী জিলাৰ বৰক্ষেত্ৰী সমষ্টিৰ চতেমাৰীত শ্ৰী শ্ৰীজগন্নাথ মন্দিৰৰ চতুৰ্থ বাৰ্ষিক ভাগৱত শোভাযাত্ৰা অনুষ্ঠানটো দিনজোৰা কাৰ্যসূচী আয়োজন কৰা হয়। এই উপলক্ষে ভক্তপ্ৰাণ ৰাইজে ৰাতিপুৱাৰে পৰা ভাগৱত শোভাযাত্ৰা, ভাগৱত পাঠ আদি বিস্তৃত কাৰ্যসূচীৰ আয়োজন কৰে।
এই শোভাযাত্ৰাত গাঁওখনৰ ডেকা-বুঢ়া-যুৱক-যুৱতী সকলে অংশগ্ৰহণ কৰে।পৰৰ্ৱতী সময়ত আয়তীৰ নাম, নাগাৰা নাম আদি কাৰ্যসূচীৰে ভক্তি ৰসত জীপাল হৈ পৰে অঞ্চলটো। অনুষ্ঠানটিত সন্ধিয়া উপস্থিত হয় বৰক্ষেত্ৰী সমষ্টিৰ বিধায়ক দিগন্ত বৰ্মণ।
বিধায়কগৰাকীৰ সাৰুৱা জ্ঞানগৰ্ভ ধৰ্মীয় ভাষণে অঞ্চলবাসীক আপ্লুত কৰে। তাৰ পিছতেই ৰাইজৰ মাজত সোমাই পৰা বিধায়কগৰাকীয়ে অঞ্চলটোৰ লোকৰ মাজত উন্নয়ন সম্পৰ্কীয় মত বিনিময় কৰে।
