ভাৰতৰ স্মাৰ্টফোন বজাৰ বিক্ৰীৰ পৰিসংখ্যা ২০২২ চনৰ চতুৰ্থ ত্ৰৈমাসিকৰ বাবে ৰাজহুৱা কৰিছে বিশ্ব প্ৰযুক্তি বজাৰ গৱেষণা কোম্পানী কাউণ্টাৰপইণ্ট ৰিচাৰ্চে। পৰিসংখ্যা অনুসৰি ২০২২ চনৰ চতুৰ্থ ত্ৰৈমাসিকৰ সময়ছোৱাত এপল আইফোন ১৩ দেশৰ ভিতৰতে আটাইতকৈ জনপ্ৰিয় স্মাৰ্টফোন আছিল।
সমীক্ষা অনুসৰি আইফোন ১৩ৰ বিক্ৰীৰ বজাৰ অংশীদাৰিত্ব ৪ শতাংশ, তাৰ পিছতে চেমচাং গেলেক্সি এম ১৩ আৰু ছাইঅ’মি ৰেডমি এ ১ দুয়োটাৰে বিক্ৰীৰ অংশীদাৰিত্ব ৩ শতাংশ।
কম খৰচী ফোন বিকল্পৰ আধিপত্য থকা খৰচ সচেতন ভাৰতীয় বজাৰত বিক্ৰীৰ তালিকাত প্ৰথমবাৰৰ বাবে আইফোনে শীৰ্ষস্থান দখল কৰিছে।উল্লেখ্য যে ২০১৬ চনৰ একেটা ত্ৰৈমাসিকৰ বাবে শীৰ্ষ পাঁচটা বিক্ৰী হোৱা স্মাৰ্টফোন আছিল Realme C11, Oppo A54, Galaxy M12, Redmi Note 10s, আৰু Redmi 9A। এই সকলোবোৰৰ মূল্য ১৫ হাজাৰ টকা বা তাৰ তলত।
যোৱা বছৰ মুকলি কৰা আইফোন ১৩ত সুৰক্ষাৰ বাবে চিৰামিক শ্বিল্ডৰ সৈতে ৬.১ ইঞ্চিৰ ছুপাৰ ৰেটিনা এক্সডিআৰ ডিছপ্লে আছে। এই মডেলটোত এপলৰ এ১৫ বায়নিক চিপছেট আছে, যিটো এই বছৰ আইফোন ১৪ আৰু আইফোন ১৪ প্লাছতো পোৱা যায়। বেটাৰী লাইফৰ ক্ষেত্ৰত আইফোন ১৩ৰ বেটাৰী লাইফ ১৯ ঘণ্টা পৰ্যন্ত দাবী কৰা হৈছে।
আইফোন ১৩ত নাইট মোডৰ সৈতে ১২এমপি ট্ৰুডেপথ ফ্ৰন্ট কেমেৰা আৰু চেলফিৰ বাবে ৪কে ডলবি ভিজন এইচডিআৰ ৰেকৰ্ডিং আছে।
ডিভাইচটোৰ ইমেজিং ক্ষমতাৰ ভিতৰত আছে ১২এমপি ৱাইড চেন্সৰ আৰু ১২এমপি আল্ট্ৰা ৱাইড চেন্সৰ। ডিভাইচটো IP68 মানদণ্ড অনুসৰিও পানী প্ৰতিৰোধী। MagSafe আনুষংগিকসমূহ দ্ৰুত বেতাঁৰ চাৰ্জিঙৰ বাবেও সমৰ্থিত।