৫২ গৰাকীকৈ পুৰুষ-মহিলাৰ শৰণ পৰ্বত অংশগ্ৰহণ।শিৱসাগৰত শ্ৰী শ্ৰী অনিৰুদ্ধ দেৱে প্ৰতিষ্ঠা কৰা মায়া মৰা সমাজৰ শৰণ কাৰ্য সম্পন্ন । নগৰৰ সমীপৰ কাথপাৰ শ্ৰী শ্ৰী নিত্যানন্দ থানত সম্পন্ন হয় আধ্যাত্মিক কৰ্মভাগীৰ । ব্ৰতে-বিধানে থাকি পুৱাৰ পৰাই শৰণ কাৰ্যত ভাগ লয় অঞ্চলটোৰ ৫২ গৰাকীকৈ পুৰুষ-মহিলাই। গুৰু সেৱা কৰি মূৰত কল পাতেৰে মেৰিওয়া তামোল পান লৈ পুখুৰী বা নদীত জুবুৰা মাৰি আশীৰ্বাদ গ্ৰহণ কৰে শৰণীয়াসকলে। এগৰাকী বৰ ককাইৰ নেতৃত্বত শৰণ গ্ৰহণ কৰা পিছত সমাজৰ উঠন পূৰণ কৰিব পৰা হয় শৰণীয়াসকল।
মায়া মৰা সমাজৰ আদ্য গুৰু শ্ৰী শ্ৰী অনিৰুদ্ধদেৱৰ দিনৰ পৰাই চলি আহিছে এনে এক পৰম্পৰা। কাথপাৰ শ্ৰী শ্ৰী নিত্যানন্দ থানত অনুষ্ঠিত শৰণ কাৰ্যত চাবুৱা মদাৰখাট সত্ৰৰ সত্ৰাধিকাৰ শ্ৰী শ্ৰী সচিদানন্দ দেৱে শৰণ প্ৰদান কৰে অঞ্চলটোৰ ৫৬ গৰাকী পুৰুষ-মহিলাক। শ্ৰী শ্ৰী নিত্যানন্দ থানত বছৰত এবাৰহে এই শৰণ পৰ্ব অনুষ্ঠিত হয়।
