তিতাবৰ সমজিলাৰ বেকাজানৰ ১০০ ঘৰীয়া গাঁৱৰ বাক্শক্তিহীন ১৮ বছৰীয়া যুৱক দুলেশ্বৰ দাস নিৰুদ্দেশ।
তিতাবৰ সমজিলাৰ বৰহোলা আৰক্ষী থানাৰ অন্তৰ্গত বেকাজান ১০০ ঘৰীয়া গাঁৱৰ দুলেশ্বৰ দাস নামৰ এজন বাক্শক্তিহীন ১৮ বছৰীয়া যুৱক যোৱা ২১ জানুৱাৰীৰ পৰা নিৰুদ্দেশ হৈ আছে।
বেকাজান ১০০ ঘৰীয়া গাঁৱৰ প্ৰয়াত ৰেবুল দাস আৰু বীনা দাসৰ পুত্ৰ দুলেশ্বৰে যোৱা ২১ জানুৱাৰীত ঘৰৰ পৰা ওলাই যোৱাৰ পাছত এতিয়ালৈকে তেওঁ ঘূৰি নাহিল।
কথা ক’ব নোৱৰা যুৱকজন নিৰুদ্দেশ হোৱাত অকলশৰীয়া বিধৱা মাতৃ তথা আত্মীয়সকল অধিক চিন্তিত হৈ পৰিছে। আত্মীয়-স্বজন আৰু ওচৰ-চুবুৰীয়াই বিচাৰ খোচাৰ কৰিছে যদিও বৰ্তমানলৈকে কোনো সন্ধান পোৱা নাই যুৱকজনৰ।
কোনো লোকে যুৱকজনৰ সন্ধান পায় তেন্তে ৯৬৭৮৩৫০২১১ নম্বৰত যোগাযোগ কৰিবলৈ পৰিয়ালৰ লোকে আহ্বান জনাইছে ।
