ভূৱা ল’টাৰী খেল অনুষ্ঠিত কৰি ৰাজ্যৰ ভিন্ন প্ৰান্তৰ পৰা লাখ লাখ টকা লুট কৰা ৰাজ্যৰ এটা ল’টাৰী চক্ৰৰ মাষ্টাৰ মাইণ্ড অভিজিৎ কৰ্মকাৰক গ্ৰেপ্তাৰক লৈ ৰাজ্যত ব্সাপক চাঞ্চল্য৷তৃণমূল কংগ্ৰেছৰ অসম প্ৰদেশৰ সম্পাদকৰ দায়িত্বত থকা অভিজিত কৰ্মকাৰে ৰাজ্যৰ ভূৱা ল’টাৰী চক্ৰৰে জৰিত এটা চক্ৰৰ মুল মাষ্টাৰ মাইণ্ড বুলি অভিহিত কৰিছে আৰক্ষীয়ে৷ ভূৱা ল’টাৰী চক্ৰৰে জৰিতৰ অভিযোগত তৃণমূল নেতাজনক গ্ৰেপ্তাৰৰ পিচতে আজি শালবাৰীৰ মহকুমা আৰক্ষী বিষয়া সমীৰণ বৈশ্যই প্ৰকাশ কৰে কেতবোৰ বিস্ফোৰক তথ্য। আৰক্ষীয়ে সদৰি কৰা মতে, TMC নেতাজনে অসম আৰক্ষীৰ পৰা হাত সাৰিবলৈ আশ্ৰয় লৈছিল পশ্চিম বংগৰ ভিন্ন স্থানত৷
পশ্চিম বংগৰ তৃণমূলৰ নেতাৰ সহযোগত দীৰ্ঘদিন আত্মগোপন কৰাৰ অন্তত অবশেষত বুধবাৰে সন্ধিয়া অতি কৌশলেৰে মুছলপুৰৰ পৰা বাক্সা আৰক্ষীয়ে গ্ৰেপ্তাৰ কৰে TMC নেতা তথা ল’টাৰী মাফিয়াটোক ৷ তৃণমূল কংগ্ৰেছৰ ৰাজ্যিক সম্পাদকৰ দায়িত্বত থকা ধেমাজিৰ গোগামুখৰ অভিজিত কৰ্মকাৰে নিজ ভাতৃৰ সৈতে মিলি গঢ়ি তুলিছিল এটা ভূৱা ল’টাৰী চক্ৰ৷ এই চক্ৰটোৱে ৰাজ্যৰ বিভিন্ন স্থানৰ স্থানীয় একাংশ লোকৰ সহযোগত দামী গামী গাড়ী উপহাৰৰ প্ৰলোভনেৰে অনুষ্ঠিত কৰে ল’টাৰী খেল৷পিচে ভূৱা খেল অনুষ্ঠিত কৰি ূা খেল অনুষ্ঠিত নকপাকৈয়ে লক্ষ লক্ষ টকা আত্মসাৎ কৰে এই চক্ৰটোৱে ৷ অলপতে বাক্সা জিলাৰ লুৱাশুৰ গাৱৰ এটা শিৱ মন্দিৰ নিৰ্মাণৰ সাহায্যাৰ্থে প্ৰৱঞ্চক চক্ৰটোৱে অনুষ্ঠিত কৰা এখন ভূৱা ল’টাৰী খেলক লৈ সৃষ্টি হোৱা উত্তেজনা আৰু এই সম্পৰ্কত বাক্সা জিলাৰ গোৱৰ্ধনা থানাত ৰুজু হোৱা 119/22 U/S 120(b)/ 420 R/W sec 14 of Assam Game ans betting Act ৰ অধীনত গ্ৰেপ্তাৰ কৰা হৈছে তৃণমূল কংগ্ৰেছৰ নেতাগৰাকীক ৷ উল্লেখ্য যে, প্ৰায় ১ কোটি ৩০ লাখ টকাৰ টিকটৰ খেলখনত পুৰস্কাৰ হিচাপে ব’লেৰ’, অল্টো, মটৰ চাইকেল, ই-ৰিস্কাসহ ১৫ টাকৈ উপহাৰ আগবঢ়াইছিল যদিও খেলখন অনুষ্ঠিত নকৰিলে চক্ৰটোৱে ৷
