আজি পবিত্ৰ ঈদ-উল-আজহা। সমগ্ৰ দেশৰ লগতে যোৰহাটতো আজি ইছলামধৰ্মালম্বী লোকসকলে উলমালহেৰে উদযাপন কৰিছে ত্যাগৰ উৎসৱ পবিত্ৰ ঈদ-উজ-আজহা। ঈদৰ নামাজৰ পাছতে যোৰহাটৰ সাংবাদিক তথা জিকিৰ শিল্পী নেকিব আহমেদৰ লগতে সহশিল্পী সকলে আধ্যাত্মিক বাৰ্তা প্ৰেৰণ কৰাৰ উদ্দেশ্যে নগৰৰ আচিয়ানা ভৱনত এখনি জিকিৰ মজলিছ অনুষ্ঠিত কৰে।
জিকিৰ শিল্পী নেকিব আহমেদৰ লগতে হেমন্ত হাজৰিকা, যোগেন বৰা, বেদব্ৰত দত্ত, পূজা বৰা,দিপামণি দত্ত, চফীয়া খাতুন, তছলিমা বেগম হাজৰিকা, ছামিম ৰফিকা ৰহমান আৰু মুখলিছা ফাৰহানা ৰহমানে অংশগ্ৰহণ কৰে। উল্লেখ্য যে হিন্দু – মুছলিম শিল্পীসকলে ঈদৰ দিনা একেলগে মজলিছত বহি জিকিৰৰ সুৰেৰে সমন্বয় সম্প্ৰীতিৰ বাৰ্তা প্ৰেৰণ পৰা দেখা গৈছে।
