শীতৰ আগমনৰ লগে লগে ক্ৰমাৎ বৃদ্ধি পোৱা পথ দুৰ্ঘটনা ৰোধ কৰাৰ বাবে সোণাপুৰৰ চালকসকলৰ সৈতে বৃহস্পতিবাৰে মত বিনিময় কৰে পৰিবহণ বিষয়া হিমাংশু দাসে।
বিশেষকৈ যাত্ৰীবাহী মেজিক-মেক্সিম’ চালকসকলক বনভোজৰ এই সময়চোৱাত মদ্যপান কৰি গাড়ী চলোৱাৰ পৰা বিৰত থাকিবলৈ আহ্বান জনোৱাৰ লগতে এই সন্দৰ্ভত হ’ব লগা আইনী ব্যৱস্থা সন্দৰ্ভতো অৱগত কৰে।
গীতে-মাতে আকৰ্ষণীয়ভাৱে পৰিবহন বিষয়া হিমাংশু দাসে অনুষ্ঠিত কৰা এই পথ সুৰক্ষাৰ সজাগতা সভাত শতাধিক চালক-পৰিচালক সমবেত হয়।
পৰিবহন বিষয়াগৰাকীয়ে কাৰো ঘৰলৈ দুখৰ বতৰা নোযোৱাকৈ নতুন বছৰৰ শুভাৰম্ভণি কৰিবলৈ আহ্বান জনায় ৰাইজক।
-কৰন সৰকাৰ, সোণাপুৰ
