পুনৰ নলবাৰী জিলাত ওলাল দুজনকৈ ক’ৰোনা ভাইৰাছ আক্ৰান্ত লোক

নলবাৰী

বৰ্তমান সময়ত ক’ৰোনা ভাইৰাছ সন্ত্ৰাসৰ বাবে অব্যাহত সমগ্ৰ দেশজুৰি চতুৰ্থ পৰ্যায়ৰ লক ডাউন। তদুপৰি অসমৰ বিভিন্ন জিলাত বহিঃৰাজ্যৰ পৰা অহা বিভিন্ন লোকৰ সমাগম ঘটি আছে। যাৰ বাবে অসমতো এতিয়া ক’ভিড-১৯ আক্ৰান্ত লোকৰ সংখ্যা ক্ৰমান্বয়ে বৃদ্ধি হৈ যায় আছে৷ মঙলবাৰে নলবাৰীত পুনৰ ওলাল দুজন ক’ৰোনা ভাইৰাছত আক্ৰান্ত লোক। আক্ৰান্ত লোক দুজন হ’ল জিলাখনৰ  ডাঙোৱাপাৰাৰ নিতুল হক (২২) আৰু আনজন মুকালমুৱাৰ মহিদুল আলী৷ নিতুল বিগত ১৬ মে’ত ৰাজধানী এক্সপ্ৰেছ যোগে লক্ষ্ণৌৰ পৰা আহিছিল। আনহাতে মহিদুল বিগত ১৭ মে’ত তামিলনাডুৰ কাম্বাতুৰৰ পৰা আহিছিল শ্ৰমিক এক্সপ্ৰেছ যোগে। উল্লেখ্য যে দুয়োজন লোক নলবাৰী জিলা প্ৰশাসনৰ তৰফৰ পৰা জৱাহৰ নৱোদয় বিদ্যালয়ত সাজি উলিওৱা কোৱাৰেণ্টাইন চেণ্টাৰত আছিল৷