প্ৰথম বৰ্ষৰ শ্ৰেণী আৰম্ভ নৱেম্বৰত : নাথাকে গ্ৰীষ্মকালীন, শীতকালীন বন্ধ

অনলাইন বাৰ্তা : কৰ’নাৰ সংক্ৰমণৰ বাবে চলিত বছৰৰ ১ নৱেম্বৰৰ পৰা আৰম্ভ হ’ব নতুন শিক্ষা বৰ্ষৰ স্নাতক আৰু স্নাতকোত্তৰৰ প্ৰথম ষান্মাষিকৰ শ্ৰেণী ৷ মঙলবাৰে এই কথা জনায় কেন্দ্রীয় শিক্ষামন্ত্রী ৰমেশ পোখৰিৱাল নিশাংকই ৷ টুইট কৰি মন্ত্ৰীজনে কয়, কৰ’নাৰ বাবে ২০২০-২১ শিক্ষা বর্ষৰ স্নাতক আৰু স্নাতকোত্তৰৰ প্রথম বর্ষৰ সূচী লৈ কমিটীৰ ৰিপৰ্ট গ্ৰহণ কৰিছে আয়োগে আৰু ইউজিচিৰ নির্দেশিকাত অনুমোদনও দিছে। সেই অনুসৰি অহা ৩১ অক্টোবৰৰ ভিতৰত নামভৰ্তি প্ৰক্ৰিয়া শেষ কৰা হ’ব৷ প্ৰথম বৰ্ষৰ পাঠদান আৰম্ভ হ’ব ১ নৱেম্বৰৰ পৰা ৷ আনহাতে বিশ্ববিদ্যালয় মঞ্জুৰী আয়োগে প্ৰথম বছৰ বা নবাগতৰ কেলেণ্ডাৰ লাভ কৰিছে ৷ শেহতীয়া কেলেণ্ডাৰৰ মতে ছেপ্টেম্বৰৰ পৰিৱৰ্তে নৱেম্বৰৰ পৰা নবাগতৰ পাঠ্যক্ৰম আৰম্ভ হ’ব ৷ অৱশ্যে শিক্ষানুষ্ঠান পুনৰ খোলাৰ ক্ষেত্ৰত কোনো চূড়ান্ত সিদ্ধান্ত লোৱা নাই গৃহ মন্ত্ৰালয়ে ৷ মহাবিদ্যালয়ৰ নবাগতসকলৰ পাঠগ্ৰহণ অনলাইনতে হ’ব ৷ উল্লেখ্য যে ইউজিচিয়ে মহাবিদ্যালয়ৰ বাবে গাইডলাইনসহ বিকল্প শৈক্ষিক কেলেণ্ডাৰ এপ্ৰিলত প্ৰকাশ কৰিছিল ৷ একেসময়তে ছেপ্টেম্বৰত মহাবিদ্যালয় পুনৰ খুলিৰ আঁচনি লৈছিল ৷ এই বৰ্ষ নৱেম্বৰ পৰ্যন্ত যায়গৈ৷ শিক্ষাত হোৱা ক্ষতি পুৰণৰ বাবে এটা সপ্তাহত ছদিন পাঠদান হ’ব ৷ কোনো গ্ৰীষ্মকালীন বা শীতকালীন বন্ধ নাথাকিব ৷ শিক্ষাৰ্থীয়ে সময় মতে ৩ বছৰীয়া ইউজি, পিজি সূচী কৰিব পাৰে তাৰ নিশ্চিত কৰিছে ৷ সকলো বিশ্ববিদ্যালয়ে ২০২০-২১ আৰু ২০২১-২০২২ ছদিনত সপ্তাহৰ কাম কৰি ক্ষতি পুৰণ মিলাব লাগিব ৷