কণী এবিধ প্ৰ’টিনযুক্ত খাদ্য। যদি আপুনি সন্তুলিত আহাৰ মানি চলিব বিচাৰে তেন্তে ইয়াক কোনো ধৰণে পৰিহাৰ কৰা উচিত নহয়।
কণী স্বাস্থ্যকৰ। কিন্তু প্ৰশ্নটো হ’ল, কণীৰ কোনটো অংশ স্বাস্থ্যকৰ ? বগা নে হালধীয়া ?কণীৰ বগা অংশ আৰু কুহুমৰ মাজত কেলৰিৰ যথেষ্ট তাৰতম্য আছে । ডাঙৰ কণীএটাৰ কুহুমত প্ৰায় ৫৫ কেলৰি থাকে, আনহাতে বগা অংশত মাত্ৰ ১৭ কেলৰি থাকে।কণীৰ কুহুমত যথেষ্ট পৰিমাণৰ পুষ্টি থাকে। ইয়াৰ ভিতৰত আছে ভিটামিন বি ৬ বি ১২, এ, ডি, ই আৰু কে। ইয়াত কেলচিয়াম, মেগনেছিয়াম, আইৰণ আৰু চেলেনিয়াম থাকে। কণীৰ কুহুমত থকা কেৰোটিনইডবোৰে দৃষ্টিশক্তি উন্নত কৰে। ই ৰেটিনাকো সুৰক্ষিত কৰে।
কণীৰ বগা অংশটো মূলতঃ এলবামিন। বেছিভাগ স্বাস্থ্য সচেতন লোকে ইয়াৰ কম কেলৰি থকাৰ বাবে আৰু ই চৰ্বিমুক্ত হোৱাৰ বাবে এই অংশটো খাবলৈ পছন্দ কৰে। ই শৰীৰক স্বাস্থ্যকৰ প্ৰ’টিন প্ৰদান কৰে। ইয়াত পটাছিয়াম থাকে যি উচ্চ ৰক্তচাপ হ্ৰাস কৰাত সহায়ক হয়।বিশেষজ্ঞ সকলৰ মতে যিসকলে কলেষ্টৰেলৰ বিষয়ে চিন্তা কৰি আছে বা ইয়াৰ আশংকাত ভুগি আছে তেওঁলোকে কুহুমটো পৰিমিত পৰিমাণে খাব পাৰে ।
বিঃদ্ৰঃ উল্লেখিত তথ্য সমূহ সাধাৰণ জ্ঞানৰ ওপৰত আধাৰিত কোনো ৰোগত আক্ৰন্ত হ’লে চিকিৎসকৰ পৰামৰ্শ লোৱাটো বাঞ্চণীয় ।