দক্ষিণ কামৰূপৰ মাজেৰে পাৰ হৈ যোৱা কামাখ্যা – যোগীঘোপা সংযোগী ৰে’ল আলিৰ বালাপুখুৰী অংশত আজি এগৰাকী যুৱকৰ ৰে’লৰ চেঁপাত মৃত্যু হয়।জানিব পৰা মতে ছয়গাঁও আৰক্ষী থানাৰ অন্তৰ্গত পানীখাইতি গাঁৱৰ ৰজক মণ্ডল নামৰ যুৱক জনে কৰ্মসূত্ৰে পাছামতোলা গাঁৱলৈ যাবলৈ ৰে’ল আলিটো পাৰ হবলৈ লওতে দুৰ্ঘটনাটো সংঘটিত হয়।পিছত ঘটনাৰ খবৰ লাভ কৰি ছয়গাঁও আৰক্ষী ঘটনাস্থলীত উপস্থিত হৈ মৃতদেহ নিজ মৰ্গলৈ লৈ যায়।
