জুবিন গাৰ্গৰ ন্যায় বিচাৰি পুনৰ (Zubeen Garg Death Case) সামাজিক মাধ্যমত আৱেগিক পোষ্ট কণ্ঠশিল্পী দিপলীনা ডেকাৰ। কণ্ঠশিল্পী দিপলীনা ডেকাই সামাজিক মাধ্যমত লিখিছে-
‘২৯ দিন জুবিন গাৰ্গ বিহীন…
এফালে চলিছে ন্যায় বিচাৰৰ সংগ্ৰাম,
আনফালে ৰাজনৈতিক মেৰপাক।
আমি একো নুবুজো, সত্যটো এটায়ে —প্ৰাণৰ শিল্পীজন যে আৰু কেতিয়াও ঘূৰি নাহে,
কেতিয়াও নেদেখিম তেওক বহাগৰ মঞ্চত, ৰসাল কথাৰে, অন্যতম চুপতিৰে।
প্ৰতিটো দিন পাৰ কৰিবলৈ যেন বহুত কষ্ট হৈছে।
সকলো চলি থাকে, কিন্তু ভিতৰত এটা শূন্যতা, কিবা এটা খালী খালী অনূভৱ !
সৃষ্টি-শীল মনটোত যোৱা এমাহ ধৰি নিস্তব্ধতা ।
জীৱিত জুবিনতকৈ মৃত জুবিন হেনো অধিক শক্তিশালী। ইতিমধ্যে আমি প্ৰভাৱ দেখিছোঁ।
তোমাৰ এই energy, শক্তি আমাক সঠিক আৰু সচা পথ দেখুৱাব বুলিয়ে আমি এতিয়া বাট চাই ৰলোঁ।
জনসাধাৰণ, ডেকা, বৃদ্ধ, আৰক্ষী, আমি সকলো জুবিন অনুৰাগী, সকলোৱে যেন কিছু সংবেদনশীল হয় তাকেই প্ৰাৰ্থনা। কোনো কাৰণত আৰু কাকো হেৰুৱাব নোখোজোঁ, আচলতে নোৱাৰো। অসমীয়া জাতি বোলে আৱেগিক। হয়, আমি আৱেগিক, তাতে আমাৰ জীৱন স্বৰূপ জুবিন গাৰ্গৰ বিষয় যেতিয়া, আমি পাগল, বলিয়া!!
তোমাৰ ন্যায়ৰ বাবে সকলো ত্যাগ কৰি যুজি যোৱাৰ প্ৰতিশ্ৰুতিৰে’
