জুবিন গাৰ্গৰ মৃত্যুৰ ন্যায় (Zubeen Garg Death Case) বিচাৰি সোণাপুৰলৈ পদব্ৰজে যাত্ৰা দুই যুৱতীৰ। টীয়কৰ দুই যুৱতীয়ে জুবিনৰ ন্যায় বিচাৰি সোণাপুৰলৈ পদব্ৰজে আৰম্ভ কৰিছে যাত্ৰা। জুবিন গাৰ্গৰ পুৰণি গৃহৰ পৰা ন্যায় বিচাৰি যাত্ৰা আৰম্ভ। দেহত মায়াবিনীকে ধৰি জুবিন গাৰ্গৰ জনপ্ৰিয় গীত। হাৰ্টথ্ৰবৰ জন্মদিনৰ দিনা জুবিন ক্ষেত্ৰত উপস্থিত হোৱাৰ পৰিকল্পনা। এন গগৈ আৰু চুমী শইকীয়াই এই যাত্ৰা আৰম্ভ কৰিছে।
টীয়কৰ টামুলীচিগাস্থিত হিয়াৰ আমঠু সুদুৰ সোণাপুৰৰ সমাধিস্থলীলৈ আজি পুৱাই পদব্ৰজে যাত্ৰা আৰম্ভ কৰিছে টীয়কৰ দুই যুৱতী ক্ৰমে চুমি শইকীয়া আৰু নিজু গগৈ। দেহৰ অংগত মায়াবিনীকে ধৰি জুবিন গাৰ্গৰ জনপ্ৰিয় গীত খোদিত কৰি জুবিনৰ মৃত্যুৰ উচিত ন্যায় বিচাৰি এইদৰে পদযাত্ৰা আৰম্ভ কৰিছে এই দুই যুৱতীয়ে। অহা ১৮ নৱেম্বৰ অৰ্থাৎ হাৰ্টথ্ৰব জুবিন গাৰ্গৰ জন্মদিনৰ দিনা জুবিন ক্ষেত্ৰত উপস্থিত হোৱাৰ পৰিকল্পনা লৈ এই যাত্ৰা আৰম্ভ কৰিছে আৰু উক্ত দিনা চৰকাৰে কি ন্যায় দিয়ে তাৰ বাবে অধিক আগ্ৰহেৰে আছে বুলি মন্তব্য কৰিছে এই দুই অনুৰাগীয়ে।ইপিনে যদি ৰাইজে বিচৰা ধৰণে ন্যায়ৰ উত্তৰ নাপাই তেন্তে অনাগত দিনত এইসকল অনুৰাগী কোনো কাৰণতে ৰৈ নাথাকে বুলি মন্তব্য কৰি এই ক্ষেত্ৰত জুবিন গাৰ্গৰ সুযোগ্য পৰিবাৰ গৰিমা গাৰ্গকো ৰাজ পথত ওলাই আহি ন্যায় বিচাৰি প্ৰতিবাদ সাব্যস্ত কৰিবলৈ আহ্বান জনাইছে।
