আজি মুকলি কৰা হল মা কামাখ্যা মন্দিৰত ২০ কিলো সোণেৰে নিৰ্মাণ কৰা গম্বুজ
২০ কেজি সোণেৰে নিৰ্মাণ কৰা মা কামাখ্যা মন্দিৰৰ গম্বুজৰ কাম সম্পূৰ্ণ হ’ল । ইয়াৰ লগে লগেই দেশৰ সোণৰ মন্দিৰৰ তালিকাত স্থান পালে কামাখ্যা মাৰ মন্দিৰে। দীপাৱলীৰ সময়ত এই গম্বুজ মুকলি কৰাৰ কথা আছিল যদিও কিছুদিন পলম হলেও আজি ১৯ নৱেম্বৰ বৃহস্পতিবাৰে মুকলি হয় এই গম্বুজ।
জানিব পৰা মতে, শক্তিপীঠ মা কামখ্যাৰ মন্দিৰৰ এই ২০ কেজি সোণ দান কৰিছে দেশৰ আগশাৰীৰ উদ্যোগপতি মুকেশ আম্বানিয়ে । এই সোণৰ গম্বুজ নিৰ্মাণৰ কাম মুকেশ আম্বানিৰ ৰিলায়েন্সৰ অলংকাৰ বনোৱা সিদ্ধহস্ত কাৰিগৰকে দিয়া হৈছিল।যিয়ে মাৰ মন্দিৰৰ ওপৰত থকা পূৰ্বৰ তামৰ গম্বুজৰ দৰেই সোণৰ পাতেৰে সোণৰ গম্বুজ বনাই। এই গম্বুজত ৩ তৰপীয়া সোণৰ কলহ আছে ।