অসমৰ Karbi Anglong জিলাত এক চাঞ্চল্যকৰ ঘটনা সংঘটিত হৈছে। ৰংবংৱে এলেকাৰ পাহাৰীয়া অঞ্চলত নিৰুদ্দেশ হৈ থকা পুলিং বিষয়া Cornelius Kindoৰ মৃতদেহ উদ্ধাৰ হোৱাত সমগ্ৰ অঞ্চলটোত তীব্ৰ চাঞ্চল্যৰ সৃষ্টি হৈছে।
প্ৰাপ্ত তথ্য অনুসৰি, উলংগ অৱস্থাত উদ্ধাৰ হয় শিক্ষক তথা পুলিং বিষয়া কৰ্ণেলিয়াছ কিন্দোৰ মৃতদেহ। ঘটনাটোৱে বহু সন্দেহ আৰু প্ৰশ্নৰ জন্ম দিছে।
উল্লেখযোগ্য যে, ৯ এপ্ৰিলত অনুষ্ঠিত Assam Legislative Assembly Election 2026 উপলক্ষে ১৯ নং চাৰপ কাথাৰ নিম্ন প্ৰাথমিক বিদ্যালয়ত পুলিং বিষয়াৰ দায়িত্বত নিযুক্ত আছিল কিন্দো। কিন্তু ভোটদানৰ পূৰ্বে বিদ্যালয়ৰ পৰা ওলাই যোৱাৰ পিছতেই তেওঁ নিৰুদ্দেশ হৈ পৰে।
পৰৱৰ্তী ১০ দিন ধৰি কোনো সন্ধান নোপোৱা অৱস্থাত অৱশেষত ৰংবংৱেৰ পাহাৰীয়া অঞ্চলৰ পৰা তেওঁৰ মৃতদেহ উদ্ধাৰ কৰা হয়।
জানিব পৰা মতে, কৰ্ণেলিয়াছ কিন্দো ধনশিৰি নেপালী বস্তি এল.পি. স্কুলৰ ৰঙাপাহাৰ ক্লাষ্টাৰত টেট শিক্ষক হিচাপে কৰ্মৰত আছিল। তেওঁৰ মৃত্যুক লৈ এতিয়া বিভিন্ন প্ৰশ্ন উত্থাপন হৈছে।
পৰিয়ালৰ ভাষ্য অনুসৰি, ৮ এপ্ৰিলত নিৰ্বাচনৰ দায়িত্ব গ্ৰহণ কৰিবলৈ ঘৰৰ পৰা ওলাই গৈছিল শিক্ষকগৰাকী। পিছত ৯ এপ্ৰিলত তেওঁৰ এজন বন্ধুৱে পৰিয়ালক জনায় যে তেওঁ ওলাই গৈছে। আনহাতে, কন্যাই প্ৰকাশ কৰা অনুসৰি, অসুস্থ হৈ থকাৰ বাবে নিৰ্বাচনী দায়িত্ব গ্ৰহণ কৰিবলৈ তেওঁ আগ্ৰহী নাছিল।
ঘটনাটোক লৈ আৰক্ষীয়ে তদন্ত আৰম্ভ কৰিছে যদিও এই মৃত্যু দুৰ্ঘটনা নে অন্য কিবা, সেই বিষয়ে এতিয়াও স্পষ্ট হোৱা নাই। সমগ্ৰ ঘটনাই কাৰ্বি আংলং জিলাত গভীৰ উদ্বেগ আৰু চাঞ্চল্যৰ সৃষ্টি কৰিছে।
