ছিপাঝাৰত এইবাৰ ছাগলী এৰি পলাল চোৰ। চোৰে এৰি থৈ যোৱা পাঁচটাকৈ ছাগলী গাওঁবাসীয়ে চমজাই দিলে গাঁও প্ৰধানক। ছিপাঝাৰৰ শ’লপামত এই ঘটনা সংঘটিত হয়।
সন্ধিয়া গাঁৱখনত পোৱা যায় গৰাকীবিহীন পাঁচটাকৈ ছাগলী। ইয়াৰে এটাৰ মুখত ক’লা টেপ লগোৱা অৱস্থাত দেখা গৈছিল। ইয়াৰ পিছতে ৰাইজে এয়া চোৰে চুৰ কৰি অনা ছাগলী বুলি সন্দেহ কৰে। হয়তো কিবা কাৰণত অসুবিধাৰ সৃষ্টি হোৱাত নিৰ্জন ঠাইত এৰি থৈ যায় চোৰে। গাঁৱখনৰ গাওঁ প্ৰধানক ৰাইজে ছাগলীকেইটা চমজাই দিয়াৰ পিছতে বিষয়টো আৰক্ষীক অৱগত কৰায়।
