নিটি আয়োগৰ মুখ্য কাৰ্যবাহী বিষয়া অমিতাভ কান্ত নতুন ফেছন বুলি ভাবি ল’ব লাগে সামাজিক দূৰত্ব আৰু মাস্ক ব্যৱহাৰ

অনলাইন বাৰ্তা, ১ মে’ঃ সামাজিক দূৰত্ব আৰু মাস্ক ব্যৱহাৰক নতুন ফেছন বুলি ভাবি ল’ব লাগে৷ এই কথা কৈছে নিটি আয়োগৰ মুখ্য কাৰ্যবাহী বিষয়া অমিতাভ কান্তে৷ বিষয়াজনৰ বক্তব্য, অৰ্থনৈতিক কামকাজ আৰমডা° কৰাৰ প্ৰয়োজন৷ ক’ৰ’ণা সংক্ৰমণ ৰোধ কৰিবলৈ দেশত লকডাউন৷ স্থবিৰ হৈ পৰিছে অৰ্থনৈতিক কামকাজ৷ ইতিমধ্যে দ্বিতীয় পৰ্যায়ৰ লকডাউন শেষ হোৱাৰ পূৰ্বে পুনৰ ১৪ দিনৰ বাবে লকডাউন বঢ়োৱাৰ সিদ্ধান্ত ল’লে কেন্দ্ৰীয় গৃহমন্ত্ৰালয়ে৷ এই পৰিস্থিতিত দেশৰ অৰ্থনীতিৰ ভৱিষ্যতক লৈ উদ্বেগ প্ৰকাশ কৰাৰ আৰম্ভ কৰিছে বিশেষজ্ঞ মহলে৷ আগন্তুক দিনত সাধাৰণ জীৱন-জীবিকা কি দৰে আগুৱাই নিয়া হ’ব এই বিষয়ে সাম্ভাৱ্য পথৰ সন্ধান দিছে বিষয়াজনে৷ টুইটত অমিতাভ কান্তই লিখিছে ৰেড জ’নবোৰত কঠোৰভাৱে লকডাউন মানিব লাজিব৷ সামাজিক দূৰত্ব আৰু মাস্ক ব্যৱহাৰ নতুন ফেছন বুলি ভাবি লোৱা হ’ব৷ ক’ৰ’ণা ভাইৰাছ ভৱিষ্যতে ঘূৰি আহিব পাৰে৷ একে ভুল কৰি চলিব নালাগিব৷ বয়স্ক লোকৰ প্ৰতি বিশেষভাৱে দৃষ্টি দিব লাজিব৷ ক’ৰ’ণা ভাইৰাছৰ ভেকছিন আবিষ্কাৰ অতি সোনকালে হ’ব৷অৰ্থাৎ সকলো ধৰণৰ সতৰ্কতা অৱলম্বন কৰিব লাগিব৷ ইয়াৰ লগতে লিখিছে, জীবিকাৰ তাগিদাত অৰ্থনৈতিক কাম আৰম্ভ কৰাৰ প্ৰয়োজন৷ ক’ৰ’ণা মোকাবিলাত কেতবোৰ বিশেষ দল গঠন কৰিছে কেন্দ্ৰই৷