অসম ফুটবল সন্থাৰ উদ্যোগত ৮ ডিচেম্বৰ, সোমবাৰৰ পৰা চিৰাঙৰ বিজনী জিলা ক্ৰীড়া সন্থাৰ খেলপথাৰত আৰম্ভ হৈছে অসম ৰাজ্যিক মহিলা ফুটবল লীগ । এয়া হ’ল ৰাজ্যিক মহিলা ফুটবল লীগৰ প্ৰথম সংস্কৰণ । বিজনী জিলা ক্ৰীড়া সন্থাৰ সহযোগত আয়োজিত উক্ত লীগ শুকুৰবাৰে বিয়লি আনুষ্ঠানিকভাৱে উদ্বোধন কৰে অসম ফুটবল সন্থাৰ সাধাৰণ সম্পাদক ড৹ ছাংগ্ৰাং ব্ৰহ্মই । উদ্বোধনী খেলত “এ” গ্ৰুপৰ চৰাইদেউ জিলাৰ সোণাৰি টাউন ক্লাবে গোৰেশ্বৰ টাউন ক্লাবক ৬- ১ গ’লৰ ব্যৱধানত পৰাস্ত কৰে । উদ্বোধনী অনুষ্ঠানত অসম ফুটবল সন্থাৰ উপ-সভাপতিদ্বয় হেমেন্দ্ৰ নাথ ব্ৰহ্ম, কবিৰঞ্জন ব্ৰহ্ম, বিশিষ্ট ফুটবল খেলুৱৈ দুৰ্গা বড়ো, বিজনী জিলা ক্ৰীড়া সন্থাৰ সভাপতি ৰোমিও কুমাৰ ব্ৰহ্মসহ ভালেমান অতিথি উপস্থিত থাকে । পুৱা অনুষ্ঠিত প্ৰথম মেচত দুলীয়াজানৰ অইল লক্ষ্য দলে গোৱালপাৰাৰ লেডী বাগ এফ চিক ৮-০ গ’লত পৰাস্ত কৰি সম্পূৰ্ণ পইণ্ট লাভ কৰে । মুঠ ১২ টা দলৰ এই মহিলা ফুটবল লীগৰ আন দলকেইটা হ’ল — কোকৰাঝাৰ পাটগাঁৱৰ এভালেন্স স্পৰ্টছ ক্লাব, দুলীয়াজান টি ইষ্টেট এফ চি, ডিমাকুছিৰ ৰয়েল ব্ৰাদাৰ্ছ এফ চি, ডিফুৰ কাছা গাৰ্লছ এফ চি, মৰিগাঁৱৰ লুইতপুৰীয়া এফ চি, গুৱাহাটী লখৰাৰ উদয়ন কৃষ্টি সংঘ, ভেৰগাঁৱৰ ছানৰাইজ এছ চি আৰু কোকৰাঝাৰ ছাই গাৰ্লছ । খেলসমূহ ডাবল লেগত অনুষ্ঠিত হ’ব আৰু মুঠ তিনিটা গ্ৰুপৰ পৰা শীৰ্ষ দুটাকৈ দলে পৰৱৰ্তী ৰাউণ্ডত খেলিব ।