লাইপুলীয়া গোষ্ঠীৰ সৌজন্যত মাছখোৱা স্নাতক মহাবিদ্যালয়ৰ আই কিউ এ চি চেলৰ সহযোগত ৯মে শনিবাৰে মাছখোৱা স্নাতক মহাবিদ্যালয়ৰ পেক্ষা গৃহত “গ্ৰন্থ উন্মোচন আৰু কবিতাৰ আড্ডা”শীৰ্ষক এক মনোৰম অনুষ্ঠান অনুষ্ঠিত হৈ যায়৷ মাছখোৱা স্নাতক মহাবিদ্যালয়ৰ অধ্যক্ষ গনৰাজ য়েইনে বন্তি প্ৰজ্জ্বলনে আৰম্ভণি কৰা অনুষ্ঠানত ড° ভূপেন হাজৰিকাৰ প্ৰতিছবিত বন্তি প্ৰজ্জ্বলন কৰে মাছখোৱাৰ বিশিষ্ট কবি,নাট্যকৰা হেমচন্দ্ৰ দত্তই,জুবিন গাৰ্গৰ প্ৰতিছবিত বন্তি প্ৰজ্বলন কৰে মাছখোৱা স্নাতক মহাবিদ্যালয়ৰ শিক্ষক গোটৰ সভাপতি ললিত গগৈয় ৷ গ্ৰন্থ উন্মোচনী আৰু কবিতাৰ আড্ডা শীৰ্ষক অনুষ্ঠানৰ সঞ্চালনা কৰি জোনাই বিশিষ্ট কবি,প্ৰকৃতি প্ৰেমী তোষেশ্বৰ মিৰি আগৰৱালাই ৷ইয়াৰ পিছতে ড° বসন্ত মঙ্গল দত্তৰ সাত ভাষাত প্ৰকাশিত কবিতা সংকলন “একলব্য” উন্মোচন কৰে অসম সাহিত্য সভাৰ উপসভাপতি পুদুম ৰাজখোৱাই ৷ গ্ৰন্থ উন্মোচন কৰি পদুম ৰাজখোৱাই কয় যে,—“এটা জাতি জীয়াই থাকিবলৈ হ’লে জাতিটোৰ ভাষা সাহিত্য চহকী হ’ব লাগিব ৷ ইয়াৰ বাবে আমাক কিতাপ লাগিব ৷
মাছখোৱাৰ লাইপুলীয়া গোষ্ঠীয়ে এই দিশত কাম কৰিছে বুলি কয় ৷ ড° বসন্ত মঙ্গল দত্তৰ সাতটা ভাষাৰ এই গ্ৰন্থ খনে এক সম্বন্বয়ৰ বাৰ্তা দিব ৷” ইয়াৰ পিছতে গ্ৰন্থখনৰ ই সংস্কৰণ মুকলি কৰি ধেমাজি ৰাজহ চক্ৰৰ চক্ৰ বিষয়া শৰৎ গগৈয়ে ৷সভাত আমন্ত্ৰিত অতিথি ৰূপে উপস্থিত থাকে বিশিষ্ট সমালোচক ইছমাইল হোছেইন,হনুমানবক্স সুৰযমল কানৈ মহাবিদ্যালয়ৰ অৱসৰপ্ৰাপ্ত উপাধ্যক্ষ ড° প্ৰিয়দেৱ গোস্বামী ৷ ধেমাজি জিলা সাহিত্য সভাৰ সভাপতি ৰঞ্জিত চিৰিঙৰ লগে প্ৰায় সকল বিষয় ববীয়া আৰু ধেমাজি জিলাৰ সাংবাদিক সকল ,মৰিধল মহাবিদ্যালয়ৰ প্ৰৱক্তা ড° পূৰৱী দুৱৰা,ধেমাজি বাণিজ্য মহাবিদ্যালয়ৰ প্ৰৱক্তা দীপেন দত্ত,মাছখোৱাৰ বিশিষ্ট নাট্যকাৰ কবি যোগেশ বিকাশ সন্দিকৈ,শশীন্দ্ৰ ৰাজখোৱা,কৃষ্ণ শইকীয়া,বিজয় শইকীয়া,ৰবীন কোছ,অজয় শৰ্মা,মণ্টু শইকীয়া,ৰাণু দেৱী ,কবিতা দেৱী আদি উপস্থিত আছিল ৷
শিশু শিল্পী মলয় চন্দন দত্তৰ গীত,যোৰহাটৰ শিশু অদিভিৎ বৰাৰ কবিতা আবৃত্তি আৰু দীপিকা ফুকনে গীত পৰিবেশন কৰা অনুষ্ঠানটোত কবিতা পাঠ কৰে ক্ৰমে ভূৱন দাস,নবীন বুঢ়া গোহাঞি,মৃদুপৱন চুতীয়া,ৰিংকু মণি বৰ শইকীয়া,ঐজ্যোতি চুতীয়া,ড° অচুৎ গগৈ,হোমেন্দ্ৰ হাতীবৰুৱা,অম্বিকা শইকীয়া,উষা বুঢ়া গোহঁই,ৰণুমণি গগৈ চুতীয়া,ভাৰতী বসুমতাৰী,মিনু দত্ত,অশোক দলে,কল্পনা দলে পেগু,বৰ্ণালী দত্ত,কনকলতা গগৈ,দিপালী হাজৰিকা,হৰেণ কাপ্তাক, পুতু মণি শইকীয়া,উপেন টাইদ,জিণ্টি মণি চমুৱা,নীলাক্ষী শান্দিল্য আদি কৰি বহুজনে কবিতা পাঠ কৰে ৷কবি প্ৰমোদ দত্ত আৰু বিপুল শৰ্মাই আঁতধাৰ সভাখনত মাছখোৱা স্নাতক মহাবিদ্যালয়ৰ শিক্ষাগোট আৰু ছাত্ৰ একতা সভাই সহায় সহযোগ কৰে৷
