নিৰ্বাচনৰ প্ৰাকক্ষণত অসমলৈ বৃহৎ অনুদান আগবঢ়াইছে কেন্দ্ৰীয় বিজেপি চৰকাৰে । বিগত বৰ্ষত বান অৰ্থাত প্ৰাকৃতিক দুৰ্যোগত ক্ষতিসাধন হোৱা ৫ খন ৰাজ্যলৈ ১,৭৫১.০৫ কোটি টকাৰ আৰ্থিক অনুদান আগবঢ়াই । এই ৫ খন ৰাজ্যৰ ভিতৰত আছে অসম, অৰুণাচল প্ৰদেশ, ওড়িশা, তেলেংগনা আৰু উত্তৰ প্ৰদেশ।
গৃহমন্ত্ৰী অমিত শ্বাহৰ অধ্যক্ষতাত অনুষ্ঠিত এক উচ্চস্তৰীয় বৈঠকত এই ঘোষণা কৰা হয়। উল্লেখ্য যে, মুঠ টকাৰ ৪৩৭.১৫ কোটি টকা লাভ কৰিব অসমে। ইয়াৰ লগতে অৰুণাচল প্ৰদেশে ৭৫.৮৬ কোটি, ওড়িশাই ৩২০.৯৪ কোটি, তেলেংগনাই ২৪৫.৯৬ কোটি আৰু উত্তৰ প্ৰদেশে লাভ কৰে ৩৮৬.০৬ কোটি টকা ।