Breaking

লাহৰীঘাট চিনিয়ৰ চেকেণ্ডাৰী ইংলিচ স্কুলৰ ৩ দিনীয়া শিক্ষক প্ৰশিক্ষণ সুকলমে সম্পন্ন……

0 16

মৰিগাঁও জিলাৰ লাহৰীঘাট চিনিয়ৰ চেকেণ্ডাৰী ইংলিচ স্কুলৰ ২০২২ -২০২৩  শিক্ষা বৰ্ষৰ বাবে শিক্ষক -শিক্ষয়িত্ৰীসকলৰ ৩ দিনীয়া শিক্ষক -প্ৰশিক্ষণৰ কাৰ্য্যসূচী সুকলমে সম্পন্ন হয়। ৭ এপ্রিলৰ পৰা অনুষ্ঠিত হোৱা শিক্ষক প্ৰশিক্ষণ কাৰ্য্যসূচীৰ উদ্বোধন কৰে স্কুলৰ অধ্যক্ষ ছুলমান আলীয়ে।

উল্লেখ্য যে মুঠ ২০ জন শিক্ষক শিক্ষয়িত্ৰীক  বিভিন্ন শ্ৰেণীৰ পাঠ্যপুথিৰ পাঠদানৰ ওপৰত  , ছাত্র ছাত্রী সকলৰ পাঠ গ্রহণত আগ্ৰহী কৰা, শিক্ষক আৰু ছাত্র ছাত্রী সকলৰ মাজত শৈক্ষিক পৰিবেশ উন্নত কৰা আদি বিষয়ৰ ওপৰত প্ৰশিক্ষণ প্ৰদান কৰা হয়। উল্লেখ্য যে প্ৰশিক্ষণ চলি থকা অৱস্থাত প্ৰত্যেক শিক্ষক শিক্ষয়িত্ৰীয়ে নিজৰ নিজৰ শ্ৰেণীৰ পাঠদানৰ ওপৰত ৪৫ মিনিটকৈ উদাহৰন দিয়ে।

শেষৰ দিনা বিশিষ্ট অতিথি হিচাপে তিনিচুকীয়া মধ্য ইংৰাজী বিদ্যালয়ৰ বিজ্ঞান শিক্ষক আব্দুল আলীয়ে পাঠদানৰ ওপৰত উদাহৰন দিয়ে। অৱশ্যে ৯ এপ্রিলত স্কুলৰ অধ্যক্ষ আৰু উপাধ্যক্ষই বিশেষ বক্তব্য ৰাখে, লগতে শৈক্ষিক দিনপঞ্জিও তৈয়াৰ কৰি সকলো শিক্ষক শিক্ষয়িত্ৰীক দায়িত্ব অৰ্পণ কৰে।