শুভাৰম্ভণি হল কামৰূপ মহানগৰ জিলা পৰিবহণ কাৰ্য্যলয়ত ৪৫ দিনৰ গাড়ীচালন প্ৰশিক্ষণ শিবিৰ
কামৰূপ মহানগৰ জিলা পৰিবহণ কাৰ্য্যলয়ত কালি শুক্ৰবাৰে এক প্ৰশিক্ষণ শিবিৰৰ শুভাৰম্ভণি অনুস্থান অনুষ্ঠিত হৈ যায় । এখন দুৰ্ঘটনামুক্ত অসম গঢ়াৰ লগতে ৰাজ্যৰ যুৱ চামক স্ব-নিৰ্ভৰশীল কৰি তোলাৰ উদ্দেশ্যে মুখ্যমন্ত্ৰী ডঃ হিমন্ত বিশ্ব শৰ্মাৰ আগ্ৰহত পৰিবহন মন্ত্ৰী চন্দ্রমোহন পাটোৱাৰীৰ নিৰ্দেশমৰ্মে ৰাজ্যৰ প্ৰতিটো সমষ্টিৰ ৫০ গৰাকীকৈ যুৱক-যুৱতীক গাড়ী চালনাৰ প্ৰশিক্ষণ প্ৰদান কৰাৰ উদ্দেশ্যে চৰকাৰে এক বিশেষ পদক্ষেপ গ্ৰহণ কৰিছে ।
সেই লক্ষ্যৰে কামৰূপ মহানগৰ জিলাৰ চাৰিটা বিধানসভা সমষ্টিৰ পৰা বাচনি কৰা যুৱতী সকলৰ বাবে আয়োজন কৰা ৪৫ দিনীয়া প্ৰশিক্ষণ শিবিৰৰ কালি শুভাৰম্ভ কৰা হয় কামৰূপ মহানগৰ জিলা পৰিবহন বিষয়াৰ কাৰ্য্যালয়ৰ সভাগৃহত। কালিৰ এই শুভাৰম্ভণি অনুস্থানৰ পৰাই আগন্তুক ৪৫ দিনৰ বাবে এই বাছনিকৃত সকলক গাড়ী চালনৰ প্ৰশিক্ষণ প্ৰদান কৰা হব অভিজ্ঞ প্ৰশিক্ষকৰ জৰিয়তে।
৪৫ দিনৰ অন্তত এওঁলোকে প্ৰশিক্ষণ গ্ৰহণ কৰি নিপুন চালক হৈ ভিন্ন ক্ষেত্ৰত ৰাইজৰ সেৱাত ব্ৰতী হ’ব বুলি আশা প্ৰকাশ কৰিছে কামৰূপ মহানগৰ জিলাৰ পৰিবহন বিষয়া গৌতম দাসে ।