Breaking

ত্যাগবীৰ হেম বৰুৱা মহাবিদ্যায়ত ৭২ সংখ্যক ৰাষ্ট্ৰীয় শিক্ষাৰ্থী দিৱস পালন

0 1,223

জামুগুৰিহাট, ২৩ নবেম্বৰ : ৰাষ্ট্ৰীয় শিক্ষাৰ্থী বাহিনীৰ ৭২ সংখ্যক প্ৰতিষ্ঠা দিৱসটি চতিয়া বিধান সভা সমষ্টিৰ উচ্চ শিক্ষাৰ এক অন্যতম শিক্ষানুষ্ঠান ত্যাগবীৰ হেম বৰুৱা মহাবিদ্যালয়ৰ ৰাষ্ট্ৰীয় শিক্ষাৰ্থী বাহিনী গোটে আজি দিনযোৰা কাৰ্যসূচীৰে মহাবিদ্যালয়ত পালন কৰে। মহাবিদ্যালয়ৰ অধ্যক্ষ ড. অজিত হাজৰিকাই পতাকা উত্তোলনেৰে আৰম্ভ হোৱা অনুষ্ঠানত বন্তি প্ৰজ্বলন কৰে অৱসৰী অধ্যাপক গোলাপ কলিতাই। ইয়াৰ পিছতেই মহাবিদ্যালয়ৰ লগতে বিভিন্ন শিক্ষানুষ্ঠানৰ পৰা ৰাষ্ট্ৰীয় শিক্ষাৰ্থী বাহিনীৰ কেডেটসকলে কুচকাৱাজ প্ৰদৰ্শন কৰে। মহাবিদ্যালয়ৰ ৰাষ্ট্ৰীয় শিক্ষাৰ্থী বাহিনীৰ তত্বাবধায়ক শিক্ষক ড. তিলক শৰ্মাই আদৰণি ভাষণ প্ৰদান কৰা মুকলি সভাত মহাবিদ্যালয়ৰ অধ্যক্ষ ড. অজিত হাজৰিকাই ছাত্ৰ জীৱনত ৰাষ্ট্ৰীয় শিক্ষাৰ্থী বাহিনীৰ গুৰুত্ব আৰু মহত্বৰ ওপৰত এক মনোজ্ঞ ভাষণ আগবঢ়ায়। ইয়াৰ পিছতেই মহাবিদ্যালয়ৰে ইংৰাজী বিভাগৰ অৱসৰী মুৰব্বী অধ্যাপক গোলাপ কলিতাই ছাত্ৰ-ছাত্ৰীসকলে জীৱনত কিদৰে আগবাঢ়িলে সফলতা লাভ কৰিব পাৰি তাৰ এক দিশ-দৰ্শন প্ৰস্তুত কৰে। অৱসৰী উপাধ্যক্ষ গণেশ পাঠক, অধ্যাপক ড. অমল শইকীয়া, শিক্ষক বাণেশ্বৰ বৰায়ে সভাত নিজৰ চমু ভাষণ প্ৰস্তুত কৰে। শিক্ষাৰ্থী বাহিনীৰ কেডেট কল্যাণদ্বীপ বৰাই ছাত্ৰ জীৱন ৰাষ্ট্ৰীয় শিক্ষাৰ্থী বাহিনীৰ প্ৰয়োজনীয়তা আৰু আৱশ্যকতাৰ বিষয়ে এক মননশীল ভাষণ আগবঢ়ায়। সভাত স্থানীয় বিদ্যালয়সমূহৰ ৰাষ্ট্ৰীয় শিক্ষাৰ্থী বাহিনীৰ তত্বাবধায়কসকল যথাক্ৰমে অঞ্জন বাচকোটা, কমল ভট্টৰাই, সৌৰভ শৰ্মা, অধ্যাপক খঞ্জন কুমাৰ দাসকে মুখ্য কৰি অনেক গণ্যমান্য ব্যক্তিসকল উপস্থিত আছিল। মুকলি সভাৰ পিচতেই ছাত্ৰ-ছাত্ৰীসকলে মহাবিদ্যালয়ৰ প্ৰেক্ষাগৃহত এক বাৰেৰহনীয়া সাংস্কৃতিক কাৰ্যসূচীও প্ৰদৰ্শন কৰে। মহাবিদ্যাখনৰ ছাত্ৰ-ছাত্ৰী যথাক্ৰমে জয়ন্ত মেধি, অমনদ্বীপ বৰা, ৰীতা চৌধুৰীয়ে মুকলি সভা আৰু সাংস্কৃতিক অনুষ্ঠানভাগৰ আঁত ধৰে ।

ReplyReply allForward