জিএমচিৰ অধীক্ষকসহ ঌ চিকিৎসক, ৩৮৬ জনক কোৱাৰেণ্টাইন : কোৱাৰেণ্টাইনৰ অধীনত ৫ টা স্থান, ৰে’ড জ’ন হ’ব নেকি মহানগৰ গুৱাহাটী?

গুৱাহাটী

গুৱাহাটী মহানগৰ ৰে’ড জ’নৰ অধীনলৈ যাব নেকি? চাৰি ক’ৰ’ণাক্ৰান্ত ধৰা পৰাৰ লগতে এজনৰ মৃত্যুৰ পিছত উত্থাপিত হৈছে এই কথা। শুকুৰবাৰে জিএমচিএইছৰ এক আৰু পাঁচ নং ছাত্ৰাবাস, লখৰা অঞ্চলটো, চানমাৰী-খাৰঘূলিৰ অমিয়া নগৰ,বি বৰুৱা কেন্সাৰ চিকিৎসালয় আৰু বেলতলাৰ ইএছআই হাস্পাতাল কন্টেইনমেন্ট জ’ন হিচাপে ঘোষণা কৰিছে। আনহাতে দহ মে’লৈ নতুন ৰোগী ভৰ্তি কৰা নহয়৷ অহা তিনিদিনলৈ জিএমচিএইছ আৰু ইএছআই হাস্পতালত ৰোগী ভৰ্ত্তি কৰা নহয়।এক নং আৰু পাঁচ নং ছাত্ৰাবাসৰে সম্পৰ্ক আছে ক’ৰ’ণাক্ৰান্ত ডাঃ নিথিকেশ ডি এছৰ। অমিয়া নগৰত থাকে ক’ৰ’ণাক্ৰান্ত বৰদা দাস। মৃত ক’ৰ’ণাক্ৰান্ত দিপীকা নাথৰে সম্পৰ্ক আছিল ইএছআই হাস্পতাল, বি বৰুৱা কেন্সাৰ হাস্পতাল আৰু লখৰা অঞ্চল।আনজন আক্ৰান্ত দেবৰাজ আশ্চৰ্য বাইহাটাৰ বাসিন্দা আৰু তেওঁৰহে ভ্ৰমণ কৰাৰ তথ্য আছে।বাকীকেইজনৰ ভ্ৰমণৰ তথ্য নাই। দিপীকাৰ আইতাক মালতী বাছফৰ বি বৰুৱা হাস্পতালৰ চাফাইকৰ্মী আছিল। যোৱা চাৰি মে’ত দিপীকাই বি বৰৱা হাস্পতালত চেলাইন লৈছিল। ইএছআইচি হাস্পতাললৈ দিপীকা গৈছিল৷ এনেকৈয়ে মহানগৰীত চাৰি আক্ৰান্তৰ সংস্পৰ্শলৈ অহা ৩৮৬ জনক কোৱাৰেন্টাইন কৰা হৈছে৷ ইয়াত জিএমচিএইছৰ অধীক্ষক ডাঃ ৰমেন তালুকদাৰসহ ঌ চিকিৎসক, কেবাগৰাকী নাৰ্ছ, কৰ্মচাৰী আদিও আছে। আনহাতে এক সংবাদমেলত মন্ত্ৰী হিমন্ত বিশ্ব শৰ্মাই কয় যে মহানগৰত শিশু, জ্যেষ্ঠ নাগৰিক আদিৰ অবাধ আহ-যাহ হৈছে। এই কথা চিন্তনীয়। দোকান খোলাৰ ক্ষেত্ৰত চৰকাৰৰ নিৰ্দেশনা অনুসৰণ কৰা নাই।লকডাউনৰ সকলো নীতি ভংগ কৰিছে একাংশই।এই কাৰ্য অতিশয় চিন্তনীয় বুলি তেওঁ আঙুলীয়াই দিয়ে।এনেকৈয়ে খোদ মহানগৰীতে ক’ৰ’ণাক্ৰান্ত বৃদ্ধি হোৱা আৰু লকডাউনৰ নীতি ভংগ কৰাৰ হেতুকে ৰে’ড বা অৰেঞ্জ জ’নলৈ পৰিবৰ্তন হোৱাৰ সম্ভাৱনা আছে৷