আজি মৰিগাঁও জিলাৰ নৈপৰীয়া অঞ্চল লাহৰীঘাটৰ এখনি অগ্ৰণী শিক্ষানুষ্ঠান লাহৰীঘাট গ’ল্ডেন চিনিয়ৰ চেকেণ্ডাৰী স্কুলত হাই স্কুল শিক্ষান্ত পৰীক্ষাত আৰু উচ্চতম মাধ্যমিক কলা, বাণিজ্য আৰু বিজ্ঞান শাখাত সুখ্যাতিৰে উৰ্ত্তীণ হোৱা প্ৰায় শতাধিক কৃতি ছাত্র-ছাত্রীক বিদ্যালয়ত আনুষ্ঠানিক ভাবে সম্বৰ্ধণা জনোৱা হয়। উল্লেখ্য যে লাহৰীঘাট গ’ল্ডেন চিনিয়ৰ চেকেণ্ডাৰী স্কুলত সদ্য ঘোষিত হাই স্কুল শিক্ষান্ত পৰীক্ষা আৰু উচ্চতৰ মাধ্যমিক কলা, বিজ্ঞান আৰু বাণিজ্য শাখাত এশ শতাংশ উৰ্ত্তীণৰে ফলাফল লাভ কৰিছিল।
তাৰ ভিতৰত বহু কেইজনে ডিষ্ট্ৰিংচন, ষ্টাৰ মাৰ্ক লাভ কৰিছিল তাৰে লগত সংগতি ৰাখি কৰ্তৃপক্ষৰ তৰফৰ পৰা কৃতি ছাত্র-ছাত্রীক জাপি, কলম আৰু ফুলাম গামোচাৰে সম্বৰ্ধণা জনোৱা হয়। অনুষ্ঠানটি সঞ্চালনা কৰে ভাৰপ্ৰাপ্ত অধ্যক্ষ মজিবুৰ ৰহমানে। আদৰণি আৰু সম্বৰ্ধণা পৰ্বৰ আঁত ধৰে বিষয় শিক্ষক হবিবুৰ ৰহমানে।
