দৈনন্দিন বাৰ্তাৰ সেৱা,নলবাৰী,০৬ আগষ্ট: আই আই ই’ৰ নেতৃত্বত আৰু জোনালী মহিলা মীন পালন সমবায় সমিতি লিমিটেডৰ উদ্যোগত লাফাকুছিত এখন সাধাৰণ সভাৰ লগতে সজাগতামূলক সভা অনুষ্ঠিত কৰা হয় । জোনালী মহিলা মীন পালন সমবায় সমিতি লিমিটেডৰ সঞ্চালক ধ্ৰুৱজিত মদাহী সভাপতিত্বত অনুষ্ঠিত সভাখনত জোনালী মহিলা মীন পালন সমবায় সমিতি লিমিটেডৰ সভাপতি দিপালী দাস,সম্পাদক মালতী ডেকা,মিডিয়া পাৰ্ছন ধ্ৰুৱ জ্যোতি মালাকৰ সহ সমবায়ৰ সদস্য সকল উপস্থিত থাকে ।
আনহাতে আই আই ই’ৰ এল আৰ পি অপুৰ্ব শৰ্মাই সভাখনত সমবায়ৰ সদস্য আৰু মৎস্যপালক সকলৰ সতে মৎস্য পালনৰ ক্ষেত্ৰত হোৱা বিভিন্ন অসুবিধাৰ বুজ লয় । ভবিষ্যতে তেওঁলোকক বিভিন্ন দিশত প্ৰশিক্ষণ দিয়া হ’ব,চৰকাৰে মৎস্যপালক সকলৰ বাবে দিয়া আঁচনি সমূহৰ বিষয়ে, মৎস্যপালক সকলৰ বীমা আদিৰ বিষয়ে জিলা খনৰ এল আৰ পি অপূৰ্ব শৰ্মাই ভাষনৰ জৰিয়তে মৎস্যপালক সকলক জানিব দিয়ে আৰু পিছত মীন পালন পুখুৰী সমুহ পৰিদৰ্শন কৰে এল আৰ পি গৰাকীয়ে । উল্লেখ্য যে এই সভাৰ পুৰ্বে উক্ত এলেকাৰ চলেন বিল মীন পালন চচাইটি লগত ও আই আই ই’ৰ নেতৃত্বত সাধাৰণ সভা অনুষ্ঠিত কৰা হয় ।
