ধেমাজি জিলাৰ গোগামুখৰ চি বি এছ চিৰ (Gogamukh News) একমাত্ৰ শিক্ষানুষ্ঠান গোগামুখ জ্ঞানজ্যোতি একাডেমীত অধ্যয়ন কৰা তিনিগৰাকী শিক্ষাৰ্থীয়ে এইবাৰ সৰ্বভাৰতীয় পৰ্যায়ৰ নীট পৰীক্ষাত উৰ্ত্তীণ হৈ গোগামুখলৈ গৌৰৱ কঢ়িয়াই আনিছে ৷ তাৰে ইশা সাহা গুৱাহাটী চিকিৎসা মহাবিদ্যালয়, নিবেদিতাৰ গুপ্তা আৰু উদয় উপাধ্যায় তিনিচুকীয়া চিকিৎসা মহাবিদ্যালয়ত অধ্যয়নৰ সুযোগ লাভ কৰিছে ৷
বুধবাৰে জ্ঞানজ্যোতি একাডেমীৰ পৰিয়ালৰ তৰফৰ পৰা তিনি কৃত্তিমান শিক্ষাৰ্থীক বিপুলভাৱে সম্বৰ্ধনা জনোৱা হয়। জ্ঞানজ্যোতি একাডমীৰ এই অভিজাত যাত্ৰা আৰু সফলতাত গোগামুখবাসী অতিকৈ আনন্দিত হৈছে ৷ সম্বৰ্ধনা অনুষ্ঠানত গোগামুখ জ্ঞানজ্যোতি একাডেমীৰ এম ডি খেম বাহাদূৰ প্ৰধানে নীটত উৰ্ত্তীণ হোৱা শিক্ষাৰ্থীক সকলক লৈ শুভেচ্ছামূলক বক্তব্য ৰাখে ৷
একেদৰে গোগামুখ মইনাপৰাৰ নিৱাসী ডাঃ বেটাই দলে আৰু কক’জ্যোতি পাইট দলেৰ সু-সন্তাত নিতুল(বৰ্ণিল) দলে আৰু কলেন্দ্ৰ কামান, অমৰাবতী কামানৰ তনয়া সুপ্ৰিয়া কামানেও নীট পৰীক্ষাত উৰ্ত্তীণ হৈ গোগামুখলৈ গৌৰৱ কঢ়িয়াই আনিছে ৷
