আজি ৰাজ্যৰ (Tarun Gogoi) প্ৰাক্তন মুখ্যমন্ত্ৰী তৰুণ গগৈৰ পঞ্চম মৃত্যু বাৰ্ষিকী। ২০২০ চনৰ আজি দিনটোতেই শেষ নিশ্বাস ত্যাগ কৰিছিল প্ৰাক্তন মুখ্যমন্ত্ৰীগৰাকীয়ে। মৃত্যু বাৰ্ষিকীত তেওঁলৈ জনাইছো গভীৰ শ্ৰদ্ধাঞ্জলি।
অসম প্ৰদেশ কংগ্ৰেছেও প্ৰাক্তন মুখ্যমন্ত্ৰীগৰাকীৰ মৃত্যু বাৰ্ষিকীত তেওঁলৈ গভীৰ শ্ৰদ্ধাঞ্জলি জনাই সামাজিক মাধ্যমত উল্লেখ কৰে, ‘অসমৰ জনসাধাৰণৰ প্ৰতি তৰুণ গগৈদেৱৰ প্ৰেম,সেৱা আৰু দায়বদ্ধতাই আজিও আমাক অনুপ্ৰাণিত কৰে। তেখেতে কৈছিল- “মোৰ ৰাজনৈতিক জীৱনৰ মন্ত্ৰ হ’ল অসমৰ জনসাধাৰণৰ মৰম… এই ‘মন্ত্ৰ’ৰে, মই ভৱিষ্যতেও কাম কৰি যাম।”
‘তেখেতৰ আদৰ্শক বুকুত বান্ধি, প্ৰতিটো দিন প্ৰেম,শান্তি আৰু উন্নতিৰ হকে কাম কৰি যাবলৈ আমি সংকল্পবদ্ধ। অসমবাসীৰ হৃদয়ত সদায় জীয়াই থাকিব তৰুণ গগৈদেৱ। মৃত্যুবাৰ্ষিকী উপলক্ষে মহান নেতাগৰাকীক শ্ৰদ্ধাৰে স্মৰণ কৰিছো।’
এইদৰে সামাজিক মাধ্যমত প্ৰাক্তন মুখ্যমন্ত্ৰীগৰাকীক শ্ৰদ্ধাৰে সুঁৱৰে।
