এটা পিছত এটা বিপদৰ ফালে গতি কৰিছে কংগ্ৰেছৰ সাংসদ গৌৰৱ গগৈ। টাই আহোম ছাত্ৰ সন্থাই আজি এখন সংবাদমেল অনুষ্ঠিত কৰি সাংসদ গৌৰৱ গগৈৰ পাকিস্তান ভ্ৰমণ আৰু তেওঁৰ পৰিয়ালৰ ধৰ্মীয় পৰিচয় সন্দৰ্ভত তীব্ৰ প্ৰতিক্ৰিয়া প্ৰকাশ কৰে। সংবাদমেল যোগে সংগঠনটোৱে কয় – মিঞাক আহোম শব্দ ব্যবহাৰ কৰি ছচিয়েল মিডিয়াত লিখিবলৈ কৈছিল কংগ্রেছে। আহোমৰ যুৱকে পাকিস্তানৰ লগত যুদ্ধ কৰি শ্বহীদ হৈছে তাৰ বিপৰীতে গৌৰৱ গগৈৰ পৰিয়ালে পাকিস্তানৰ দৰমহা খাইছে। মিঞা মুছলমানৰ নামত আহোম শব্দ লগাই মুখ্যমন্ত্রীৰ বিৰুদ্ধে লিখিবলৈ নিৰ্দেশ দিয়াতো নিকৃষ্ট কাম। গৌৰৱক বেয়া বুলি ক’বলৈ বিচৰা নাছিল।
কিন্তু এতিয়া ক’বলৈ বাধ্য। গৌৰৱ গগৈৰ ল’ৰা ছোৱালী দুটা গগৈ উপাধি থাকিলেও খ্ৰীষ্টানত ধৰ্ম লৈছে। ১০দিন পাকিস্তানত কিয় থাকিল স্পষ্ট কৈ কব পৰা নাই। ISI ৰ লগত কি সম্পৰ্ক ক’ব লাগে। অন্যথা আহোম জনগোষ্ঠীয়ে গৌৰৱ গগৈক সুদাই নেৰিব। আহোম কেতিয়াও মিঞাৰ পক্ষত নাথাকে। স্বৰ্গদেউ সকলে লোৱা ৰাস্তাকে অনুকৰণ কৰিব। গৌৰৱৰ সন্তানক আহোমৰ দীক্ষাত দীক্ষিত কৰক। বৃটিছ নাগৰিকত্ব ত্যাগ কৰক। উল্লেখ্য যে, টাইপাই চিৰবৈৰী ৰাষ্ট্ৰ পাকিস্তানলৈ গৌৰৱ গগৈৰ যাত্ৰা অত্যন্ত দুৰ্ভাগ্যজনক আৰু এই বিষয়ত তেওঁ স্পষ্টীকৰণ দিয়াটো প্ৰয়োজন বুলি দাবী কৰে। সংবাদমেলত টাইপাই অভিযোগ, গৌৰৱ গগৈয়ে ১০ দিন ধৰি পাকিস্তানত অৱস্থান কৰিছিল আৰু সেই কথা জনসাধাৰণৰ আগত বৰ্তমানেও স্পষ্ট হোৱা নাই। গতিকে এই সন্দৰ্ভত পুনৰ গৌৰৱ গগৈয়ে স্পষ্ট আৰু ৰাজহুৱা ব্যাখ্যা আগবঢ়োৱা উচিত। আনহাতে, টাইপাই গৌৰৱ গগৈৰ পৰিয়ালৰ ধৰ্মীয় পৰিচয় আৰু চকলং বিবাহৰ পিছত ধৰ্মান্তৰৰ অভিযোগো উত্থাপন কৰে। আহোম জনগোষ্ঠীক ৰাজনৈতিক স্বাৰ্থত ব্যৱহাৰ কৰা উচিত নহয় বুলি ও হুংকাৰ দিয়ে টাইপাই।
