বিজেপিৰ (Narendra Modi) আজি ৩১,৪৮৬ টা বুথৰ লক্ষাধিক কার্যকর্তাই শংখনাদেবে প্রধানমন্ত্রী নবেন্দ্র মোদীৰ উপস্থিতিত গুৱাহাটী খানাপাৰাৰ পশু চিকিৎসা মহাবিদ্যালয়ত “বিজয় সংকল্প” গ্রহণ কৰে। ২০২৬ চনৰ বিধানসভা নির্বাচনত প্রচণ্ড বহুমতেৰে তৃতীয় বাৰৰ বাবে দিছপুৰত ভাৰতীয় জনতা পার্টিৰ নেতৃত্বত এন ডি এ চৰকাৰ গঠন কৰিবলৈ প্রধানমন্ত্রী নবেন্দ্র মোদীৰ সন্মুখত বিজেপিৰ ৩৯ খন জিলাৰ ৪৩৩ টা মণ্ডলৰ পৰা অহা কার্যকর্তাসকলে প্রতিজ্ঞা গ্রহণ কৰে। অসম প্রদেশ বিজেপিৰ সভাপতি দিলীপ শইকীয়াৰ আদৰণি ভাষণেৰে আৰম্ভ হোৱা মূল সভাত সভাপতিগৰাকীয়ে ব্যক্ত কৰে যে এইবাৰৰ নির্বাচন বিজেপিয়ে বুথ বিজয় হোৱাত অধিক গুৰুত্ব আৰোপ কৰিব।
তৃণমূল পর্যায়ত দলীয় কার্যকৰ্তাক দলৰ নীতি আদৰ্শৰ লগতে চৰকাৰৰ উন্নয়নৰ বাৰ্তা বুথৰ শেষৰগৰাকী ভোটাৰলৈ লৈ যোৱাৰ বাবে সভাপতি গৰাকীয়ে উপস্থিত কার্যকর্তাক আহ্বান কবে। প্রধানমন্ত্রী মোদীৰ উপস্থিতিত বিজেপি কাৰ্যকৰ্তাসকলৰ মনোবল দুগুনে বৃদ্ধি পোৱাৰ লগতে অভিলেখ সংখ্যক ভোটেৰে ২০২৬ চনৰ নিৰ্বাচনত জয়ী হোৱাৰ অংগীকাৰেৰে মুখ্যমন্ত্রী ড০ হিমন্ত বিশ্ব শর্মাই বজ্র গর্জন কৰে। অসমৰ ল’ৰা ছোৱালীয়ে ব্রিটেইনৰ নাগৰিকত্ব লোৱাৰ সলনি ভাৰতী আইৰ নাগৰিক হিচাপে জন্মভূমিতে কর্ম সংস্থাপনেবে গৌরী অসমীয়া হিচাপে প্রতিজন অসমীয়া জীয়াই থকাৰ পৰিৱেশ অনাৰ বাবে মুখ্যমন্ত্ৰীগৰাকীয়ে বদ্ধপৰিকৰ বুলি বিৰোধীক সকিয়াই দিয়ে। “জনতাৰ বাবেহে প্রধানমন্ত্রী নৰেন্দ্ৰ মোদী” এই উক্তি বিজেপিৰ কার্যকর্ত হিচাপে নিজকে পৰিচয় দি গৌৰৱবোধ কৰা দেশৰ যশস্বী প্রধানমন্ত্রী নৰেন্দ্ৰ মোদী।
প্রধানমন্ত্রী গৰাকীয়ে কয় যে বিজেপি কার্যকর্তা হোৱাটোৱেই তেখেতৰ জীৱনত অন্যতম প্রাপ্তি। দেশৰ জনসাধাৰণৰ উন্নয়নৰ অন্তৰালত থকা মূল চালিকা শক্তিয়েই হৈছে বিজেপিৰ বুথৰ কাৰ্যকৰ্তাসকল। বৰ্তমানৰ কংগ্রেছ হৈছে এমএমচি অর্থাৎ মাওবাদী মুছলীম লীগ কংগ্ৰেছ। প্ৰধানমন্ত্ৰীগৰাকীয়ে কয় যে মাওবাদী মুছলীম লীগ কংগ্রেছে অসমত সদায় অবৈধ নাগকিৰ পক্ষ লৈছে আৰু অসমৰ উন্নয়নত বাধা আৰোপ কৰি সদায় অসমখনক অশান্ত কৰাৰ ষড়যন্ত্ৰত লিপ্ত হৈছে। কংগ্ৰেছে অসমৰ উন্নয়ন নিবিচাৰে বুলি প্ৰধানমন্ত্ৰীগৰাকীয়ে চোকা সমালোচনা কৰে। আজি ৰাজ্যিক বিজেপিৰ মুখ্য কার্যালয় অটল বিহাৰী বাজপেয়ী ভৱনৰপৰা প্ৰেৰণ কৰা প্ৰেছ বিবৃতি দলৰ মুখপাত্র যোগে প্রাঞ্জল কলিতাই খানাপাৰাৰ “বুথ সংকল্প সভা”ত অংশগ্রহণ কৰা সমূহ কাৰ্যকৰ্তাক ৰাজ্যিক তৰফৰ পৰা আন্তৰিক ধন্যবাদ জ্ঞাপন কৰে। সেৱাই সংগঠনৰ মূল ভাব বুলি খানাপাৰাৰ আকাশ-বতাহ কপাই তুলি “আকৌ এবাৰ বিজেপি চৰকাৰ”, “আকৌ এবাৰ এনডিএ চৰকাৰ”, “এ ফ’ৰ অসম”, “মোৰ বুথ সকলোতকৈ মজবুত”, “বুথ জিতেগা চুনাৱ জিতেগা” আদি হর্ষধ্বনিৰে যি অভূতপূর্ব পৰিৱেশৰ সৃষ্টি কৰিলে তাৰ বাবে ৰাজ্যিক বিজেপিয়ে কৃতজ্ঞতা জ্ঞাপন কৰে বুলি মুখপাত্র গৰাকীয়ে সংবাদ মাধ্যমক জানিবলৈ দিয়ে।
উল্লেখযোগ্য যে আজিৰ “বুথ বিজয় সংকল্প সভা”ত বিজেপি মিত্রজোটৰ সহাযোগী দলসমূহৰ ভিতৰত অসম গণ পৰিষদৰ সভাপতি তথা কেবিনেট মন্ত্রী অতুল বৰা, অসম গণ পৰিষদৰ কাৰ্যকৰী সভাপতি তথা কেবিনেট মন্ত্রী কেশর মহন্ত, বিপিএফ তথা বিটিচি প্রধান হাগ্রামা মহিলাৰী, ইউপিপিএল দলৰ জ্যেষ্ঠ নেতা তথা কেবিনেট মন্ত্রী উর্খা গৌৰা ব্ৰহ্ম উপস্থিত থাকি এনডিএ হিচাপে নির্বাচনত অবতীর্ণ হৈ তৃতীয় বাৰৰ বাবে যে চৰকাৰ গঠন কৰিব সেই কথা ৰাজ্যৰ জনসাধাৰণক আশ্বাস প্রদান কৰাৰ লগতে বিৰোধীৰ সকলো জল্পনা-কল্পনাৰ সন্মুখত স্পষ্ট কৰি দিয়ে।
অন্যহাতে আজিৰ এই “বুথ বিজয় সংকল্প সভা’ত কেন্দ্রীয় কেবিনেট মন্ত্রী সর্বানন্দ সোনোবাল, কেন্দ্রীয় ৰাজ্যিক মন্ত্রী পবিত্ৰ মাৰ্ঘেৰিটা, বিজেপিৰ উপ-সভাপতি, সাংসদ তথা ৰাজ্যিক বিজেপিৰ নিৰ্বাচনী প্রভাৰী বৈজয়ন্ত জয় পাণ্ডা, সাংসদ তথা কেন্দ্রীয় সম্পাদক কামাখ্যা প্রসাদ তাছা, সাংসদ তথা উত্তৰ-পূৰ্বাঞ্চলৰ বিজেপি সমন্বয়ক সম্ভিদ পাত্র, বিজেপিৰ ৰাজ্যিক প্ৰভাৰী হবিশ দ্বিবেদী, ৰাজ্যিক সাংগঠনিক জী আৰ ৰবীন্দ্ৰ ৰাজু, সাংসদ তথা ৰাজ্যিক বিজেপিৰ বিধানসভা নিৰ্বাচনৰ সমন্বয়ক প্রদান বৰুৱাৰ লগতে বিজেপিৰ বহু জ্যেষ্ঠ কার্যকর্তাই উপস্থিত হৈ ৰাজ্যৰ বিভিন্ন প্ৰান্তৰ পৰা অহা কাৰ্যকৰ্তাৰ মনোবল বৃদ্ধি কৰে।
