আজি আন্তৰ্জাতিক নাৰী দিৱস। (International Women’s Day) প্ৰতিগৰাকী নাৰীলৈ আন্তৰ্জাতিক নাৰী দিৱসৰ শুভেচ্ছা। তিনিগৰাকী মহিলাই দেখুৱাইছে নাৰী দিৱসৰ স্বাৱলম্বীতাৰ উৎকৃষ্ট নিদৰ্শন। মুখ্যমন্ত্ৰী উদ্যমিতা আঁচনিৰ ১০ হাজাৰ টকা লাভ কৰি কলিয়াবৰৰ বামুণীৰ তিনিগৰাকী মহিলা অৱতীৰ্ণ হৈছে জীৱন যুদ্ধত। কোনোবা গৰাকীৰ স্বামীয়ে যদি ই-ৰিক্সা চলাই, আনগৰাকীৰ স্বামীয়ে কৰে দিন হাজিৰা। স্বামীৰ উপাৰ্জনেৰে পৰিয়াল চলিবলৈ অসুবিধাত পৰিছিল মহিলাকেইগৰাকী।
মুখ্যমন্ত্ৰী উদ্যমীতা আঁচনিৰ ১০ হাজাৰ টকা লাভ কৰিয়েই মহিলা কেইগৰাকীয়ে আৰম্ভ কৰিলে এৰীপলু পালন। ঘৰতে এৰীপলু পালনৰ জৰিয়তে আজি স্বাৱলম্বী হ’বলৈ সক্ষম হৈছে মহিলা কেইগৰাকী। মুখ্যমন্ত্ৰী হিমন্ত বিশ্ব শৰ্মাৰ চৰকাৰৰ দিনতে মহিলা সকলে লাভ কৰিছে বহু সুবিধা। মহিলা সকলৰ বাবে ৰূপায়ণ কৰা আঁচনিৰ জৰিয়তে বিশেষকৈ গ্ৰামাঞ্চলৰ মহিলা সকলৰ মুখত হাঁহি বিৰিঙাবলৈ সক্ষম হয় চৰকাৰ খনে।
মুখ্যমন্ত্ৰী উদ্যমিতা আঁচনিৰ ১০ হাজাৰ টকা লাভ কৰি আত্মনিৰ্ভৰশীল হবলৈ সক্ষম হোৱা বামুণীৰ জোনমণি বড়ো,প্ৰতিমা ৰাভা গয়াৰি আৰু বেনু বড়োৱে মুখ্যমন্ত্ৰী হিমন্ত বিশ্ব শৰ্মাক ধন্যবাদ জ্ঞাপন কৰে।
