আসন ৫ খন, যোদ্ধা ৬ গৰাকী৷ (Assembly election 2026) গুৱাহাটীত আকৰ্ষণীয় হ’ব নিৰ্বাচনী যুঁজ৷ গুৱাহাটীৰ প্তটা গুৰুত্বপূৰ্ণ বিধানসভা সমষ্টিৰ বাবে মুঠ চ্ছগৰাকী প্ৰাৰ্থীয়ে মনোনয়ন-পত্ৰ দাখিল কৰাৰ লগে লগে এই অঞ্চলত এক তীব্ৰ আৰু বহুমুখী নিৰ্বাচনী যুঁজৰ মঞ্চ প্ৰস্তুত হৈ উঠিছে৷ বিভিন্ন ৰাজনৈতিক দলৰ শীৰ্ষ নেতা, প্ৰভাৱশালী প্ৰাৰ্থী আৰু নিৰ্দলীয় প্ৰাৰ্থীৰ অংশগ্ৰহণে এইবাৰৰ নিৰ্বাচনক অধিক আকৰ্ষণীয় কৰি তুলিছে আৰু ইয়াৰ ফলাফলে ৰাজ্যৰ সামগ্ৰিক নিৰ্বাচনী পটভূমিত গুৰুত্বপূৰ্ণ প্ৰভাৱ পেলোৱাৰ সম্ভাৱনা আছে৷ চৰকাৰী তথ্য অনুসৰি, জালুকবাৰী, গুৱাহাটী মধ্য, নৱ গুৱাহাটী, দিছপুৰ আৰু ডিমৰীয়া সমষ্টিৰ বাবে এই প্ৰাৰ্থীসকলে নিজৰ মনোনয়ন দাখিল কৰিছে৷
ইয়াৰ ভিতৰত আটাইতকৈ চৰ্চিত ৩৭নং জালুকবাৰী সমষ্টিত ভাৰতীয় জনতা পাৰ্টীৰ হৈ মুখ্যমন্ত্ৰী হিমন্ত বিশ্ব শৰ্মাই প্ৰতিদ্বন্দ্বিতা আগবঢ়াইছে৷ তেওঁৰ বিৰুদ্ধে ভাৰতীয় জাতীয় কংগ্ৰেছৰ বিদিশা নেওগ আৰু ভূমি অধিকাৰ পাৰ্টীৰ দীপিকা দাসে প্ৰতিদ্বন্দ্বিতা কৰিব, যাৰ ফলত সমষ্টিটোত এক ত্ৰিকোণীয় যুঁজৰ সম্ভাৱনা সৃষ্টি হৈছে৷ আনহাতে, ৩৩নং দিছপুৰ সমষ্টিত কংগ্ৰেছৰ প্ৰাৰ্থী মীৰা বৰঠাকুৰ গোস্বামী আৰু কংগ্ৰেছৰ পৰা বিজেপিত যোগদান কৰা প্ৰবীণ ৰাজনীতিক প্ৰদু্ৎ বৰদলৈৰ মাজত পোনপটীয়া প্ৰতিদ্বন্দ্বিতা হোৱাৰ দিশে অগ্ৰসৰ হৈছে৷ ইয়াৰ উপৰি আম আদিম পাৰ্টীৰ বল্লভ পাত্ৰ আৰু দুজন নিৰ্দলীয় প্ৰাৰ্থী ক্ৰমে জয়ন্ত কুমাৰ দাস আৰু আয়ুষ কুমাৰ সিঙে এই সমষ্টিটোৰ নিৰ্বাচনী সমীকৰণ অধিক জটিল কৰি তুলিছে৷
৩৬নং গুৱাহাটী মধ্য সমষ্টিত প্ৰতিদ্বন্দ্বিতা সৰ্বাধিক দেখা গৈছে৷ ইয়াত ছটা ৰাজনৈতিক দল আৰু এগৰাকী নিৰ্দলীয় প্ৰাৰ্থী অৱতীৰ্ণ হৈছে৷ বিজেপিৰ বিজয় কুমাৰ গুপ্তা, অসম জাতীয় পৰিষদৰ কুংকি চৌধুৰী, আপৰ অনুৰূপা ডেকাৰজা, সৰ্বভাৰতীয় তৃণমূল কংগ্ৰেছৰ অভিজিৎ মজুমদাৰ, ফৰৱাৰ্ড ব্লকৰ বিপুল দেৱনাথ আৰু ভূমি অধিকাৰ পাৰ্টীৰ প্ৰবীণ জ্যোতি কলিতাৰ পৰা তীব্ৰ প্ৰত্যাহ৩ানৰ সন্মুখীন হ’ব৷
লগতে অচু্যত কলিতা নামৰ এগৰাকী নিৰ্দলীয় প্ৰাৰ্থীয়েও ইয়াত প্ৰতিদ্বন্দ্বিতা কৰিছে৷ ৩৫নং নৱ গুৱাহাটী সমষ্টিতো পাঁচজনীয়া যুঁজ দেখা যাব, য’ত বিজেপিৰ দিপ্লু ৰঞ্জন শৰ্মা, কংগ্ৰেছৰ শান্তনু বৰা, আপৰ আদিত্য গগৈ, গণ সুৰক্ষা পাৰ্টীৰ চিন্ময়ী ভূঞা আৰু নিৰ্দলীয় প্ৰাৰ্থী কুশল কুমাৰ শৰ্মা অৱতীৰ্ণ হৈছে৷ ৩৪নং ডিমৰীয়া সমষ্টিত অসম গণ পৰিষদৰ প্ৰাৰ্থী ডাঃ ভূপেন দাস আৰু কংগ্ৰেছৰ কিশোৰ কুমাৰ বৰুৱাৰ মাজত মূল প্ৰতিদ্বন্দ্বিতা হোৱাৰ সম্ভাৱনা আছে৷
অৱশ্যে চাৰিগৰাকী নিৰ্দলীয় প্ৰাৰ্থী ক্ৰমে নিতুল দাস, ভাস্কৰজ্যোতি শইকীয়া, প্ৰতিভা দাস আৰু কাবেৰী দাসে মনোনয়ন দাখিল কৰাত ইয়াতো যুঁজখন আকৰ্ষণীয় হৈ পৰিছে৷ ভাৰতৰ নিৰ্বাচন আয়োগৰ নিৰ্দেশনা অনুসৰি, ২৪ মাৰ্চত মনোনয়ন-পত্ৰসমূহৰ পৰীক্ষা সম্পন্ন কৰা হ’ব আৰু চ্ছ মাৰ্চলৈকে প্ৰাৰ্থীসকলে নিজৰ মনোনয়ন প্ৰত্যাহাৰ কৰিব পাৰিব৷ অহা জ্ঝ এপ্ৰিলত অসমত এটা পৰ্যায়তে ভোটগ্ৰহণ অনুষ্ঠিত হ’ব আৰু চ্ছ্ৰ মে’ত ভোটগণনা সম্পন্ন হ’ব৷
