গো-মাংস ভক্ষণ বিষয়টোক লৈ ৰাজ্যজুৰি তীব্ৰ প্ৰতিক্ৰিয়া
ভকত বৈষ্ণৱ সমাজত গো-মাংস ভক্ষণ কৰা লোকক নিষিদ্ধ কৰাৰ দাবী
গো-মাংস ভক্ষণ কৰা লোক নামঘৰত প্ৰৱেশ নিষিদ্ধ: ভকত বৈষ্ণৱ
শেহতীয়াকৈ গো-মাংস ভক্ষণ কৰা বিষয়টোক লৈ ৰাজ্যজুৰি তীব্ৰ প্ৰতিক্ৰিয়াৰ সৃষ্টি হৈছে। তাৰ মাজতে ভকত বৈষ্ণৱ সমাজে এটা কথা স্পষ্ট কৰি দিছে যে গো মাংস ভক্ষণ কৰা ব্যক্তিক নামঘৰত প্ৰৱেশ কৰিবলৈ দিব নালাগে। উল্লেখ্য যে, চিছিবৰগাঁৱৰ কেইগৰাকীমান ভকতেও এই বিষয়টোত নিজৰ মত প্ৰকাশ কৰি কয় যে, আমাৰ মূল্যবোধ, পৰম্পৰা আৰু আস্থাক সন্মান কৰা প্ৰতিজন ব্যক্তি আমাৰ সমাজৰ অংশ।
কিন্তু যদি কোনোবাই সেয়া অবজ্ঞা কৰে, তেনে বিষয়ত সমাজে বিবেচনাৰে সিদ্ধান্ত ল’ব লাগিব। ইফালে, ৰাজ্যৰ ভিন্ন প্ৰান্তত আই সমাজৰ সদস্যা সকলেও মত প্ৰকাশ কৰি কয় যে, আমি গো মাতৰ পূজা কৰোঁ, তেনেক্ষেত্ৰত সামাজিক মাধ্যমত মুকলিকৈ আমাৰ বিশ্বাসক অপমান কৰি গো মাংস ভক্ষণৰ ফটো প্ৰচাৰ কৰা বিষয়টোৱে আমাক বিব্ৰত কৰি তুলিছে। তেওঁলোকে কয়, “এনে ধৰণৰ বিষয়বস্তু প্ৰকাশে আমাৰ ধৰ্মীয় অনুভূতিক আঘাত দিয়ে আৰু সামাজিক পৰিৱেশক উত্তেজিত কৰিব পাৰে।”
