২লাখ ৪৫হাজাৰ ১ টকাত বিক্ৰী হ’ল এখন বিশেষ গামোচা। মঙলদৈৰ নিকটৱৰ্তী ডাহী অৰ্জুন তল শ্ৰী শ্ৰী বিষ্ণু মন্দিৰত শ্ৰী শ্ৰী বিষ্ণু পূজা আৰু বাৰ্ষিক ৰাইজৰ সভা উপলক্ষে মদ্ভাগৱতৰে মেৰিয়াই থোৱা দেৱবসন প্ৰতি বছৰৰ দৰে এইবাৰো উন্মোচন কৰা হয়।
তিনিদিনীয়া কাৰ্যসূচীৰে অনুষ্ঠিত হোৱা বাৰ্ষিক ৰাইজৰ সভাখনত নিউজ লাইভৰ কাৰ্য্যবাহী সম্পাদক লুইত নীল ডনে মদ্ভাগৱতৰে মেৰিয়াই থোৱা দেৱবসন খন উন্মোচন কৰে। দেৱবসন খন সৰ্বোচ্চ ডাকত ক্ৰয় কৰে দৰং জিলা পৰিষদৰ সদস্য বিতুপন ডেকাই।।
এক লোক বিশ্বাস মতে এই দেৱবসন খন ঘৰলৈ নি নিজ গৃহত সযতনে সম্পূৰ্ণ ৰীতি-নীতি পালন কৰি সংৰক্ষণ কৰি ৰাখিলে ঘৰখনত কোনো ধৰণৰ অপায় অমংগল নহয় বুলি এক বিশ্বাস আছে। বিগত বৰ্ষতো এই গামোচাখনৰ মূল্য হৈছিল গৈ দুই লাখ আশী হাজাৰ টকা।
